رووداو دیجیتاڵ
بەپێی راپۆرتی پزیشکی دادی پارێزگاکانی ورمێ و لوڕستان، لە نۆ مانگدا لە ورمێ 653 کەس و لە لوڕستان 379 کەس بە رووداوی هاتووچۆ گیانیان لەدەستداوە. بەپێی راپۆرتی پزیشکیی دادی پارێزگای ورمێ، لە سێ وەرزی بەهار، هاوین و پاییزی ساڵی 2023دا 653 کەس لەو پارێزگایە لە رووداوەکانی هاتووچۆودا گیانیان لەدەستداوە.
بەپێی ئەو راپۆرتە، هەر لەو مانگەدا 65 کەس بەهۆی کەوتنە خوارەوە لە شوێنی بەرز، 47 کەس بە سووتان، 40 کەس بەهۆی خنکان لە ئاو، 10 کەس بە کارەبا و 286 کەسیش بەهۆی نەخۆشییەوە گیانیان لەدەستداوە.
ئەوەی کە پەیوەندی بە لوڕستانەوە هەیە، محەممەدڕەزا فارسی نەژاد، بەڕێوەبەری پزیشکی داد دەڵێت، لە ماوەی ئەو نۆ مانگەدا 379 کەس لە رووداوی هاتووچۆ و نۆ کەس بەهۆی لێچوونی گازەوە گیانیان لەدەستداوە.
بەگوتەی محەممەدڕەزا فارسی نەژاد، لەو 379 کەسە، 52 کەس لە رووداوەکانی هاتووچۆی نێوشار، 303 کەس لە رووداوەکانی هاتووچۆی دەرەوەی شار و 24 کەسیش لە رێگەی گوندەکاندا گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ