پێشانگای هەڵبژاردنی جوانترین باڵندە لە هەولێر
رووداو - هەولێر
لە شاری هەولێر پێشانگایەک بۆ نمایشکردنی چەندین جۆر باڵندە کرایەوە، بەشداربووانی پێشانگاکە ژمارەیەک جۆری بوولبوولیان نمایشکردبوو کە نرخیان دەگاتە دوو هەزار دۆلار.
هەرچەندە بەشێک لە باڵندەکان کێوین و بەدەستهێنانیان زەحمەتە، نرخی ئەو باڵندانەش گرانە و لە 500 دۆلار دەستپێدەکات تاوەکو دوو هەزار دۆلار.
زیاتر لە 150 باڵندە لە پێشانگاکەدا نمایشکران و خەڵکێکی زۆریش بۆ نمایشی پێشانگاکە هاتبوون، زۆربەی باڵندەکانیش هی هەرێمی کوردستانن و لە ناوچە شاخاوییە ساردەکان پەیدا دەبن.
ساڵی رابردوو لە سلێمانی لە پێشانگایەکدا چەند جۆرێک باڵندە نیشاندران، جاری یەکەمیشە لە هەولێر ئەو جۆرە پێشانگایانە دەکرێنەوە.
داڕشتنەوە؛ راوچی حەسەن