گەنجێک لە سنووری شارباژێڕ لە کاتی مەلەکردن خنکا

كاژێرێك له‌مه‌وپێش
مالیک محەممەد
A+ A-
رووداو دیجیتاڵ
 
هاونیشتمانییەکی خەڵکی سلێمانی لە سنوورى شارباژێڕ لە ئاودا خنکا.
 
محەممەد شێخ عەبدولڕەحمان، بەڕێوەبەری ناحیەی گاپیلۆن لە سنووری شارباژێڕ ئەمڕۆ هەینی بە تۆڕی میدیایی رووداوی راگەیاند، "دوای نیوەڕۆی ئەمڕۆ دەوروبەری کاژێر 13:00 هاونیشتمانییەکی دانیشتووی شاری سلێمانی لە ئاوى سەیرانگاى کونەماسی لە ئاودا خنکا".
 
محەممەد شێخ عەبدولڕەحمان گوتیشی، ”ئەو هاونیشتمانییە ناوی پێشەوا یاسین و تەمەنی 31 ساڵ بوو و لەگەڵ خێزانەکەی بۆ گەشت و سەیران چووبوونە سەیرانگەکە، بەڵام لەوێ مەلەی کردووە و خنکاوە”.
 
بە گوتەی بەڕێوەبەری شارۆچکەی گاپیلۆن، "کەمێک لەمەوبەر تەرمی ئەو هاونیشتمانییە دەرهێندراوە و نێردراوە بۆ دادپزیشکی سلێمانی". 
 
ساڵانە لە وەرزی هاویندا هاونیشتمانیان دەچنە هاوینەهەوارەکان و بەوهۆیەوە خنکان بەراورد بە وەرزەکانی دیکە زیاتر دەبێت.

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

زیارەتکاران لە کەربەلا. وێنە: بڵند تاهیر - رووداو

هاتووچۆی زیارەتکاران لە دەروازەی مێهرانەوە 900 هەزار کەسی تێپەڕاند

ئەمڕۆ هەینی، 16-08-2024، حەسەن بەهرامنیا، پارێزگاری ئیلامی رۆژهەڵاتی کوردستان بە میدیای فەرمیی وڵاتەکەی راگەیاند، لە 6ـی ئابەوە زیاتر لە 900 هەزار زیارەتکاری ئێرانی و بیانی بە دەروازەی سنووریی مێهرانی سەر بە پارێزگاکەدا هاتووچۆیان کردووە.