ژینگەپارێزان لەبارەی دۆخی دارستانەکان لە مەریوان کۆبوونەوە
رووداو- هه‌ولێر
21 رێکخراوی ژینگەپارێزی رۆژهەڵاتی کوردستان سەبارەت بە دۆخی دارستانەکانی زاگرۆس لە شاری مەریوان بە میوانداریەتی ئەنجومەنی سەوزی چیای مەریوان کۆبوونەوە.
ئەوان لە کۆتاییدا داوایان لە ناوەندە دادوەریی و ئەمنییەکان کردووە هۆکارەکانی سوتانی دارستانەکان دەستنیشان بكه‌ن و تۆمەتبارەکان سزا بدەن. هەروەها دەیانەوێ لە رۆژانی داهاتوودا، خەڵک لە ئاست سووتانی دارستانەکان هۆشیار بکەنەوە و زانیارییان پێبدەن. ئەو رێکخراوانە لە بەیاننامەیەکدا سەبارەت بە لەنێو چوونی دارستانەکانی زاگرۆس هۆشدارییان داوە.