هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەرایەتیی پۆلیسی بەرەنگاربوونەوەی مادە هۆشبەرەکان لە پارێزگای سنە ئاماری دەستبەسەرداگرتنی مادەی هۆشبەری لە یەک ساڵدا بڵاوکردەوە و دەڵێت: "دەست بە سەر زیاتر لە هەزار کیلۆگرام مادەی هۆشبەردا گیراوە".
رۆژی یەکشەممە، 16ـی ئاداری 2025، سیروس یاری، بەڕێوەبەری پۆلیسی بەرەنگاربوونەوەی مادە هۆشبەرەکان لە پارێزگای سنە رایگەیاند: "لە ماوەی 12 مانگدا دەست بەسەر هەزار و 120 کیلۆگرام مادەی هوشبەردا گیراوە و 605 کەسی پەیوەندیداریش بەو بابەتە دەستگیرکراون".
سیروس یاری گوتی: "200 ئاڵوودەبووی مادە هۆشبەرەکان دەستگیرکراون کە ئەو ژمارەیە بەراورد بە ساڵی رابردوو 30٪ کەمیکردووە".
لەبارەی باندەکانی بڵاوکردنەوەی مادەی هۆشبەر، سیروس یاری گوتی:" لەوە ماوەیەدا 7 باندی گەورەی بڵاوکردنەوەی مادە هۆشبەرەکان دەستگیرکراون و دەست بە سەر 191 ئوتۆمبێل و ماتۆرسکیلدا گیراوە کە بۆ گەیاندنی مادەی هۆشبەر بەکارهێندراون".
سیروس یاری گوتیشی: "لە پارێزگاکەدا 15 هەزار و 747 رووەکی حەشیش و شادانە دۆزراونەتەوە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ