رووداو دیجیتاڵ
گوتەبێژی بەڕێوەبەرایەتیی بەرگریی شارستانیی سۆران رایگەیاند، بەهۆی لێچوونی گازەوە لە یەکێک لە ماڵەکانی قەزای رواندز بوتڵێکی گاز گڕیگرت، بەهۆیەوە زیانی دارایی بەر ماڵەکە کەوت.
رۆژی دووشەممە، 16-1-2023، موقەدەم بەیار محێدین، گوتەبێژی بەرگریی شارستانیی سۆران بە تۆڕی میدیایی رووداوی راگەیاند: "ئەمڕۆ رووداوێکی ئاگر کەوتنەوە لە ماڵێکی گەرەکی لاوان لە قەزای رواندز کەوتەوە، تیمی ئاگرکوژێنەوەی بنکەی بەرگریی شارستانیی رواندز گەیشتنە شوێنی رووداوەکە."
موقەدەم بەیار محێدین ئاماژەی بەوەدا، ئاگرکەوتنەوەکە بەهۆی لێچوونی گاز لە بوتڵێکی گازەوە روویداوە و زیانی ماڵی بە ماڵەکە گەیاندووە.
شەوی دووشەممە 21-11-2022، تانکیی گازی سەمونخانەیەک لە دهۆک تەقییەوە و بەو هۆیەوە حەوت کەس گیانیان لەدەستدا و 31 کەسی دیکە برینداربوون.
هەروەها رۆژی پێنجشەممە 17-11-2022، بەهۆی تەقینەوەی سیستمێکی شۆفاژ، خانوویەکی سێ نهۆمی لە سلێمانی رووخا و بەهۆیەوە 15 هاونیشتمانی گیانیان لەدەستدا و 12ی دیکە بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ