پێنتاگۆن بۆ رووداو: سوپاکەمان لەو شوێنەی عێراق جێگیردەکرێن کە پارێزراوە

 

لە مانگی رابردوو دوو هێرشکراوەتەسەر بنکەکانی ئەمریکا لە کەرکووک و عەین ئەسەد، لە هێرشی یەکەمیان بۆسەر بنکەی سەربازی کەی وەن لە کەرکووک، ئەمریکا کەتایبی حیزبوڵڵای عێراقی تۆمەتبارکرد و چەندین بنکە و بارەگایانی کردە ئامانج و دواتریش ئەبومەهدی موهەندیس و قاسم سولەیمانی کوشت.

 

لەبەرامبەر کوشتنی قاسم سولەیمانی ئێران لە 8-1-2020 چەندین مووشەکی ئاراستەی بنکەی ئاسمانی عەین ئەسەد کرد.

 

نامۆ عەبدوڵڵا ئەمڕۆ پێنجشەممە لە پێنتاگۆن؛ دوو پرسیاری لە جۆناسان هۆفمان، یاریدەدەری وەزیری بەرگریی ئەمریکا کرد کە ئەمە دەقی پرسیار و وەڵامەکانە:

 

 

جۆناسان هۆفمان، یاریدەدەری وەزیری بەرگریی ئەمریکا: "سەبارەت بە عێراق، ئێمە دەبینین کە فەرماندەی مەیدانی بڕیار لەسەر ئەوەدەدات باشترین شوێن بۆ پارێزگاریکردن لە هێزەکان کوێیە، ئێمە لە هەفتەکانی رابردوودا هەندێک جووڵەمان ئەنجامداوە، ئەوەش بۆ بەهێزکردنیان و هەروەها بردنیان بۆ شوێنێکی پارێزراوتر، سەبارەت بەوەی کە هێزەکانمان لە عێراق لە کوێ دەبن، ئەمە پەیوەستە بە فەرماندەی مەیدانی و ئەو بڕیار دەدات هێزەکانمان پێویستە لە کوێ بن و لە کوێ مەشق و راهێنان و چالاکییەکانی رووبەرووبوونەوەی داعش ئەنجامبدەن".

 

 

جۆناسان هۆفمان، یاریدەدەری وەزیری بەرگریی ئەمریکا: "سەبارەت بە سووریاش هیچ زانیارییەکم پێ نییە لەبارەی جووڵەی سەربازانی رووسیا، ئامانجی ئێمە لە سووریا وەک خۆیەتی و بەردەوامین لەسەر لاوازکردنی داعش و هەروەها ئەنجامدانی ئۆپەراسیۆن لەم چوارچێوەیەدا".