چیرۆکی ژیانی محەممەد
رووداو دیجیتاڵ
وەک هەنگاوەکانی بەرەو بەرزایی، ئامانجی گەورەشی هەن، ئەو بە رۆژ شوانە و ئێوارانیش دەیان کیلۆمەتر دەبڕێت تاوەکو وانەکانی بخوێنێت. محەممەد دەڵێت، هەوڵدان بۆ فێربوون، کات و تەمەن نازانێت.
محەممەد نەبی گەنجێکی خەڵکی گوندی ناوەندەی سەر بە قەزای چۆمانە لە سنووری پارێزگای هەولێر. تەمەنی 22 ساڵە و ئێستا لە قۆناخی 10ـی زانستییە، قوتابخانەکەیشی لە قەزای سۆرانە.
لە ساڵانی رابردوو بە چەند هۆکارێکی جیاواز، محەممەد لە خوێندن دابڕاوە، بەڵام دەڵێت: "حەز و خولیام بۆ خوێندن کەم نەبووەوە، بەڵکو زیاتر بوو. دەمەوێت زانست و زانیاریی زۆر فێرببم و هەوڵ بۆ بەدەستهێنانی بڕوانامە دەدەم و کۆڵ نادەم."
خراپیی رێگەی نێوان سۆران - چۆمان کە بە رێگەی مەرگیش ناو دەبرێت، محەممەدیان سارد نەکردووەتەوە لەوەی بچێت بۆ قوتابخانە و وانەکانی بخوێنێت. ئەو بە رۆژ بەڕێ دەکەوێت و بە شەو دەگات. هیلاکیی رێگە و ماندووبوونی رۆژەکەی وایان نەکردووە لە وانەکانی ئاستی خراپ بێت.
سەنعان ساڵح، بەڕێوەبەری قوتابخانەی دیانای ئێواران لە سۆران دەڵێت: هەرچەندە محەممەد لە رێگەیەکی زۆر دوور و سەختەوە دێتە قوتابخانەکەمان، بەڵام زۆربەی جار پێش مامۆستاکانیش ئامادە دەبێت، سەبارەت بە وانەکانیشی، مامۆستاکان لێی رازین.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ