رووداو دیجیتاڵ
پاتریاركی كەنیسەی كلدانی لە عێراق و جیهان لەگەڵ سەرۆک بارزانی کۆبووەوە و پێزانینی هەبووە بۆ هەوڵەکانی سەرۆک بارزانی بۆ پاراستنی پێكهاتەكان لە کوردستان و عێراق.
رۆژی پێنجشەممە 15ـی تەممووزی 2021 لە سەلاحەددین سەرۆك مەسعود بارزانی پێشوازی لە كاردینال لویس ساكۆ پاتریاركی كەنیسەی كلدانی لە عێراق و جیهان و شاندێكی یاوەری كرد.
بەپێی راگەیێندراوی کۆبوونەوەکە لەو دیدارەدا بیروڕا لەبارەی رەوشی سیاسیی عێراق و تەحەددیاتی ئەمنی و سیاسیی بەردەم پرۆسەی سیاسیی عێراق و پێكەوەژیانی پێكهاتەكانی عێراق ئاڵوگۆڕ كرا.
هەر لەو كۆبوونەوەیەدا پاتریاركی كەنیسەی كلدانی لە عێراق و جیهان پێزانینی هەبوو بۆ هەوڵەكانی سەرۆك مەسعود بارزانی بۆ پاراستنی پێكهاتەكان و قووڵتركردنەوەی كولتووری پێكەوەژیان و تەبایی نێوان پێكهاتە ئایینی و نەتەوەییەكانی هەرێمی كوردستان و عێراق.
لە درێژەی ئەو دانیشتنەدا جەخت لە خۆشكردنی ئەو زەمینانە كرا كە دەبنە هۆی ئەوەی كریستیان و پێكهاتەكانی دیکە هان بدرێن بۆ شوێنەكانیان بگەڕێنەوە و بیر لە جێهێشتنی وڵاتی خۆیان نەكەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ