رووداو دیجیتاڵ
بەیانیی ئەمڕۆ فڕۆکەی تورکیا چیای بێخێری لە سنووری قەزای شێخان بۆردوومان کرد. هاونیشتمانییەکی دانیشتووی گوندی مێرسیدا بە رووداوی گوت، هیچ زیانی گیانی نەبووە.
عەبدولستار مێرسیدی، دانیشتووی گوندی مێرسیدا بە رووداوی گوت، بۆردوومانەکە کاژێر 10:30ـی بەیانیی ئەمڕۆ بووە و فڕۆکەی تورکیا دووجار لەسەر یەک بۆردوومانی چیای بێخێری کردووە، بەڵام هیچ زیانێکی گیانی نەبووە. دەشڵێت، بۆردوومانەکە ترس و دڵەڕاوکێی لای خەڵکی گوندەکە دروستکردووە.
بە گوتەی ئەو هاونیشتمانییە، لە سێ مانگدا ئەوە چوارەم جارە تورکیا هەمان شوێن بۆردوومان دەکات، ئەوەش بە بیانووی هەبوونی بارەگای پەکەکە لەو ناوچانە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ