سەردانی باڵیۆزی ژاپۆن لە عێراق بۆ رووداو
رووداو دیجیتاڵ
باڵیۆزی ژاپۆن لە عێراق سەردانی تۆڕی میدیایی رووداوی کرد و بەشەکانی رووداوی بەسەرکردەوە.
ئەمڕۆ چوارشەممە، 15ـی شوباتی 2023، فوتوشی ماتسوموتو، باڵیۆزی ژاپۆن لە عێراق سەردانی تۆڕی میدیایی رووداوی کرد و لە لایەن بێستوون نووری، بەڕێوەبەری نیوزگازەرینگ و رۆژنامەڤانانی رووداو پێشوازی لێکرا.
لە کۆبوونەوەیەکدا باس لە دۆخی میدیا لە عێراق و هەرێمی کوردستان کرا و باڵیۆزی ژاپۆن پەسنی رۆڵی رووداوی دا، لە رووماڵکردنی بابەتە جیهانییەکان و بە میدیایەکی کاریگەری ناساند. دواتر گەشتێکی بەنێو ژووری هەواڵ و بەشەکانی رووداودا کرد و لەگەڵ هەندێ لە رۆژنامەڤانانی رووداو ئاخافت.
هەر لەو سەردانەدا، هەڤپەیڤینێکی تایبەتی لەبارەی پەیوەندییەکانی ژاپۆن و عێراق و هەرێمی کوردستان و پرۆژە ئابوورییەکانیان لەگەڵ سازکرا، باڵیۆزی ژاپۆن دید و تێڕوانینی وڵاتەکەی لەبارەی بابەتەکان خستەڕوو، کە لە رۆژانی داهاتوودا لە نووڕۆژ پێشکێش دەکرێ.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ