تورکمانێکی سوننە بە جێگری پارێزگای کەرکووک هەڵبژێردرا

 

 

ئەمڕۆ دووشەممە 14-10-2024، ئەنجوومەنی پارێزگای کەرکووک بێ بەشداریی پارتی دیموکراتی کوردستان، پارتی سەروەری و بەرەی تورکمانی عێراق کۆبووەوە.

 

لە کۆبوونەوەکەدا پێنج ئەندامەکەی یەکێتیی نیشتمانیی کوردستان، سێ ئەندامی عەرەب و کۆتای کریستان بەشدار بوون و تێیدا یاوس حەمید، کە تورکمانێکی سوننەی کەرکووکە، بە جێگری پارێزگاری کەرکووک هەڵبژێردرا.

 

هەر لە کۆبوونەوەکەدا دەنگ لەسەر پەیڕەوی ناوخۆی ئەنجوومەن و لیژنەکانی ئەنجوومەن درا.

 

 

عەبدوڵڵا میروەیس، سەرۆک 

زاهیر عاسی، ئەندام 

ئینجیل زیبا، ئەندام

 

پەروین فاتح، سەرۆک

عەبدوڵلا میروەیس، ئەندام 

رەعد ساڵحی، ئەندام

 

زاهیر عاسی، سەرۆک

ئەحمەد کەرکووکی، ئەندام 

پەروین فاتیح، ئەندام

 

ئەحمەد کەرکووکی، سەرۆک 

رەعد ساڵحی، ئەندام 

پەروین فاتیح، ئەندام

 

زاهر عاسی، سەرۆک 

رەعد ساڵح، ئەندام 

هۆشیار کاکەیی، ئەندام

 

رەعد ساڵحی، سەرۆک 

زاهر عاسی، ئەندام 

هوشیار کاکەیی، ئەندام

 

هۆشیار کاکەیی، سەرۆک 

رەعد ساڵحی، ئەندام 

نەشئەت شاهۆز، ئەندام

 

عەبدوڵڵا میروەیس، سەرۆک

زاهر عاسی، ئەندام

رەعەد ساڵحی، ئەندام

 

ئێنجیل زیبا، سەرۆک 

زاهر عاسی، ئەندام

نەشئەت شاهۆز، ئەندام

 

هوشیار کاکەیی، سەرۆک

زاهیر عاسی، ئەندام

عەبدوڵلا میر وەیس، ئەندام

 

پێش ئەوەی کۆبوونەوە بکرێت، بەرەی تورکمانی عێراقی راگەیێندراوێکی بڵاوکردەوە و ئاماژەی بەوەکرد، ئەنجوومەنی پارێزگای کەرکووک بڕیاری کۆبوونەوەیەکی بەپەلەیان داوە بۆ ئەوەی کەسایەتییەکی تورکمان بۆ پۆستی جێگری یەکەمی پارێزگاری کەرکووک دەستنیشان بکەن.

 

لە راگەیێندراوەکەدا بەرەی تورکمانی رایگەیاندووە، "شاری کەرکووک رووبەڕووی پێشهاتێکی سیاسیی پێشتر نەکراو دەبێتەوە کە نیگەرانی بۆ سەرجەم لایەنە نیشتمانییەکان دروست دەکات، دوای ئەوەی زانیاریمان پێگەیشت بەوەی ئەنجوومەنی پارێزگای کەرکووک بەنیازە کۆبوونەوەیەکی بەپەلە رێکبخات لەپێناو دەستنیشانکردنی کەسایەتییەکی تورکمانی وەک جێگری یەکەمی پارێزگاری کەرکووک".

 

لە راگەیێندراوەکەدا بەرەی تورکمانی رەتیدەکاتەوە کەسیان بۆ پۆستی جێگری یەکەمی پارێزگاری کەرکووک بەربژێر کردبێت و دەڵێت، "ئێمە لە بەرەی تورکمانی عێراقی یەکگرتوو پێداگری لە هەڵوێستە نەگۆڕەکانمان لەبارەی ئەم پێشهاتانە دەکەین و روونی دەکەینەوە هیچ کەسایەتییەکمان بۆ پڕکردنەوەی هیچ پۆستێک لە حکومەتی خۆجێیی کەرکووک بەربژێر نەکردووە. دووپاتی دەکەینەوە ئەم حکومەتە کە بە شێوازێکی نایاسایی پێکهێندراوە، نوێنەرایەتیی ویستی راستەقینەی رۆڵەکانی ئەم پارێزگایە ناکات. ئەنجامەکەش ئەوەیە کە لە رووی یاسایی و سیاسیشەوە رەوایەتی نییە".