رووداو دیجیتاڵ
سەرۆک مەسعود بارزانی پێشوازیی لە سەرپەرشتیاری وەزارەتی دەرەوەی ئێران کرد و هەردوولا جەختیان لە پەرەپێدانی پەیوەندی و دۆستایەتیی نێوان هەرێمی کوردستان و ئێران کردەوە.
رۆژی هەینی 14ی حوزەیرانی 2024 لە سەلاحەدین سەرۆک مەسعود بارزانی پێشوازیی لە عەلی باقری، سەرپەرشتیاری وەزارەتی دەرەوەی ئێران و شاندێکی یاوەری کرد.
بەپێی راگریێندراوی بارەگای بارزانی، لە دیدارەکەدا بارودۆخی سیاسیی ناوچەکە و عێراق تاوتوێ کران و جەخت لە پەرەپێدانی پەیوەندی و دۆستایەتیی نێوان هەرێمی کوردستان و ئێران کرایەوە، بەتایبەت لە بوارەکانی ئابووری، بازرگانی و کولتووری.
هەر لەو دیدارەدا، وەکو لە راگەیێندراوی بارەگای بارزانیدا هاتووە، سەرپەرشتیاری وەزارەتی دەرەوەی ئێران "پێزانینی بۆ هەڵوێستی هەرێمی کوردستان لەمەڕ رووداوی کەوتنەخوارەوەی هەلیکۆپتەر و گیانلەدەستدانی سەرۆککۆماری ئێران و یاوەرانی هەبوو، هەروەها سوپاسی وڵاتەکەی بۆ ناردنی شاندی تایبەتی هەرێمی کوردستان بۆ بەشداریکردن لە پرسەی گیانلەدەستدانی سەرۆککۆماری ئێران و یاوەرانی بە سەرۆک بارزانی گەیاند."
سەرۆک بارزانی پێشوازی لە عەلی باقری، سەرپەرشتیاری وەزارەتی دەرەوەی ئێران کرد و بارەگای بارزانی لەبارەی سەردانەکە رایگەیاند: "جەخت لە پەرەپێدانی پەیوەندی و دۆستایەتیی نێوان هەرێمی کوردستان و کۆماری ئیسلامیی ئێران بە تایبەت لەبواری ئابووری و بازرگانی و کولتووری کرایەوە." pic.twitter.com/iYm2JqelcW
— Rudaw (@Rudawkurdish) June 14, 2024
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ