رووداو دیجیتاڵ
بەڕێوەبەری پۆلیسی گیەڵانی سەر بە پارێزگای کرماشان رایگەیاند، حەوت کەسیان دەستبەسەر کردووە کە بە شێوەیەکی نایاسایی چەندین شوێنیان بە مەبەستی دۆزینەوەی شوێنەوار هەڵکۆڵیوە.
مەنسوور محەممەدی، بەڕێوەبەری پۆلیسی شاری گیەڵان رایگەیاند، دوای ئەوەی زانیارییان پێگەیشت کە چەندین کەس لە بەرزاییەکانی دەوروبەری شاری گیەڵان خەریکی هەڵکەندنی زەوین، هێزێکی پۆلیسیان ناردە شوێنەکە.
بەڕێوەبەری پۆلیسی شاری گیەڵان گوتی، دوای گەیشتنی هێزەکانیان، حەوت کەس بە تۆمەتی هەڵکەندنی زەوی بۆ گەڕان بەدوای شوێنەواردا، دەستبەسەر کران. هەروەها دەستیان بەسەر چەندین ئامێری تایبەت بە هەڵکەندن و ئامێری دۆزینەوەی شوێنەوارەکاندا گرتووە.
بە گوتەی محەممەدی، دوای لێکۆڵینەوە سەرەتاییەکان و کردنەوەی دۆسیەی تایبەت بۆیان، ئەو کەسانە رادەستی لایەنە پەیوەندیدارەکانی دەسەڵاتی داد کراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ