فەوزی هەریری: ئەردۆغان و ئەحمەد شەرع سوپاسی نێچیرڤان بارزانییان کرد بۆ هەوڵەکانی لەپێناو ئاشتیدا

 

 

 

 

فەوزی هەریری: زۆر بەخێر بێن، بێگومان ئەم سەردانەی پاریس لەسەر بانگهێشتی خودی بەڕێز سەرۆک ماکرۆن بووە، بۆئەوەی جەنابی سەرۆکی هەرێمی کوردستان ئامادە بێت، پاش ئەو هەموو دیدارانە دێت کە لە ئەنتاڵیا هەبوون، بەدەر لە ئەنتاڵیاش دیدارەکانی دیکەی جەنابی سەرۆکی هەرێمی کوردستان، ئەمە دەردەخات کە پێگەی هەرێمی کوردستانی عێراق بە سەرکردایەتیی سیاسیی کوردستانی عێراق توانیویەتی دەوری خۆی ببینێت بەدەر لەو هەموو کێشانەی ئێمە خۆمان هەمانە لەنێو هەرێمی کوردستان و عێراق، بەڵام توانیومانە رۆڵێکی سیاسی لە ناوچەکە ببینین، لە هەمان کاتیشدا جەنابی سەرۆکی هەرێمی کوردستان بووەتە جێگەی متمانەی سەرکردەکانی ناوچەکە، کە ئاڵوگۆڕی را و بۆچوون دەکەن لەگەڵ جەنابیان، لەگەڵ سەرکردایەتیی سیاسیی هەرێمی کوردستانیش؛ بۆیە ئەو دیدارە دیدارێکی گرنگە لە چوارچێوەی دیدارەکانی جەنابی سەرۆک، فەرەنساش بایەخ بەو بۆچوونە و بە ئاڵوگۆڕی را دەدات.

 

 

فەوزی هەریری: بێگومان لەنێو ناوچەی خۆمان دەزانین کە پڕۆژەیەکی ئاشتی هەیە لەنێوان کورد و دەوڵەتی تورکیا، ئەو گۆڕانکارییە کە لە سووریا کرا، پڕۆژەیەک هەیە لەنێوان میلـلەتی رۆژئاوای کوردستان لەگەڵ حکومەتی نوێی سووریا. هەرێمی کوردستان رۆڵێکی زۆر زۆر ئەرێنیی لەو چوارچێوەیەدا بینیوە. جەنابی سەرۆکی هەرێمی کوردستان رۆڵێکی بەرچاوی بینیوە لە گەیاندنی ئەو دوو را و بۆچوونە هەم لە تورکیا و هەم لە سووریا لەگەڵ یەکدی. ئەو ئەرکەی کە دەم پارتی و پەکەکە لە تورکیا بە راستەوخۆ یان ناڕاستەوخۆ لەگەڵ تورکیادا دەیکەن، جەنابی سەرۆکی هەرێمی کوردستان رۆڵێکی راستەوخۆی هەیە لە گەیاندنی ئەم بۆچوونانە. لە هەمان کاتیشدا لەگەڵ رۆژئاوای کوردستان و ئەحمەد شەرع گەیاندن و نزیککردنەوەی بۆچوونەکانی ژەنەراڵ مەزڵووم و هەسەدە لەگەڵ حکومەتی نوێی ئێستا، ئەو بابەتەش باس کرا لەگەڵ سەرۆک شەرع لە ئەنتاڵیا و سوپاسی سەرۆکی کرد. سەرۆککۆماری سووریا سوپاسی ئەرک و هەوڵی جەنابی کاک نێچیرڤانی کرد بۆ ئەو دەستوەردانە ئەرێنییەی کە کردوویەتی لەو بوارەدا. لە هەمان بواریش جەنابی سەرۆککۆماری تورکیا، ئەردۆغان ستایشی رۆڵی جەنابی نێچیرڤانی کرد لە نزیککردنەوەی بۆچوونەکانی کوردی تورکیا، دەم پارتی و هەروەها پەکەکە بۆ هەندێک باسی هەنگاوەکانی داهاتوو لە سەر ئاستی چارەسەرکردنی کێشەکانیان. ئەم سەقامگیرییە لە ناوچەکەدا راستەوخۆ کاریگەرییەکی ئەرێنی هەیە لەسەر هەرێمی کوردستان، لەسەر ئابووریی هەرێمی کوردستان، لەسەر پەیوەندییەکانی سیاسی، کولتووری و کۆمەڵایەتیی هەرێمی کوردستان و خەڵکی خۆمان، بۆیە ئەم رۆڵە رۆڵێکی پیرۆزە و ئێمە پشتگیری دەکەین و فەرەنسا لەبەر چاویەتی کە ئەو هەنگاوانە گرنگن و دەیانەوێت پشتگیریی زیاتری جەنابی سەرۆکی هەرێـمی کوردستان و هەرێمی کوردستان بکەن بۆ سەرکەوتن.

 

 

فەوزی هەریری: بێگومان هەموو لایەنێک پێشوازی لەو گۆڕانکارییە دەکەن کە لە سووریا هەبوو، بەڵام چاوەڕوانیی کردەوە دەکەن لە سەرۆکی نوێی سووریا، فەرەنساش بە هەمانشێوە، بۆیە را و بۆچوونی کاک نێچیرڤان زۆر گرنگە بۆ سەرۆک ماکرۆن لەسەر دیدارەکەی کە چی  کاریگەرییەکی (ئینتیباع) لێ وەرگرتووە، واتا ئێمە تێبینییەکمان هەبوو کە ئەو بەڕێزە زۆر بە هێمنی قسەی دەکرد، بە هێمنی بوو، قسەی باشی دەکرد، ئەرێنی بوو، هەمان چوارچێوە کە تاوەکو ئێستاش گوێمان لێبووە، بەڵام زیاتر پێویستە بچێتە نێو کردەوە. ئێمە داوامان کرد بە نووسینی دەستوور، نوێنەرێکی راستەقینەی کورد ئامادە بێت لە لیژنەی ئامادەکاری، ئێمە داوامان کرد کە کورد راستەوخۆ ئامادە بن لەو هەنگاوانەی کە ئەو سەرۆککۆمارە نوێیە دەیەوێت بۆ یەکگرتنەوەی سووریا جێبەجێی بکات. سەرۆک ماکرۆن ئەو تێبینییانەی پێویستە بزانێت و ئەوانیش لە دوورەوە تەماشای دۆخەکە دەکەن. بێگومان ئەوانیش گوشار دەخەنە سەر سووریا بۆ ئەوەی کورد و کەمینەکانی دیکە، مەسیحی، کریستییانەکان و درووز ئەوانیش بەشدار بن و جەنابیان رۆڵێکی بەرچاوی هەیە لەوەدا.

 

 

فەوزی هەریری: ئێمە تەنیا گوێمان لە قسەکانی گرت و  ئەو دڵنیای کردینەوە کە کورد وەکو هاووڵاتیی رەسەنی سووریا بەرچاوە و کورد مافی خۆیەتی ژیانێکی ئاسوودە، ئارام و سەرکەوتووی هەبێت لە سووریا و گوتی، ئێمە لەگەڵ هەسەدە رێککەوتن بکەین یان نەیکەین، کورد هەر کوردە و هەر مافی خۆیەتی لەنێو وڵاتمان، بەڵام ئێمە دەمانەوێت بزووتنەوەی سیاسیی کورد لە رۆژئاوای کوردستان، ئینجا هەسەدە بێت، ئەنەکەسە بێت یان لایەنەکانی دیکە، رۆڵیان هەبێت لەو هەنگاوە و گوتیشی کورد مافەکانی پارێزراوە، بەر لەویش خەڵکی دیکە ئەوەیان گوتووە، بەڵام ئێمە حەز دەکەین بزووتنەوەی سیاسیی نوێنەرایەتیی کورد راستەوخۆ لە دیمەشق رۆڵی هەبێت.

 

 

فەوزی هەریری: بەڵێ. بۆچوونەکەی ئەو دەڵێت، ئێمە دیموکراسیمان هەبێت لە وڵات، هەموو وڵات یەک بن. ئێمە هەستی نەتەوەییمان زیاترە، بەرزترە، بۆچوونێک هەیە و باوەڕ ناکەم هیچ (تەحەفوز)ـێکی هەبێت لەسەر ئەم بابەتە، بەڵام ئەو دەڵێت ئێمە سوورین و خەڵکی سووریا هەموو یەکە، ئەگەر هەموو خەڵکی سوویا یەکە، ئێمە هیچ کێشەیەکمان نابێت. لەبیرمە کە جەنابی بارزانیی نەمر رێککەوتنی 11ی ئاداری واژۆ کرد لەگەڵ حکومەتی بەغدا لە ساڵی 1970، درووشمەکە دیموکراسی بۆ عێراق و حوکمی زاتی بۆ کوردستان بوو، ئەوە زۆر گرنگ بوو بۆ ئێمە، بەڵام ئێمە ئیمانمان بەوە نەبوو کە دیموکراسی دەبێت، بۆیە داوای حوکمی زاتیشمان کرد بۆ خۆمان، بەڵام دەبێ بزانین جوگرافیای کورد لە سووریا جیاوازە لە جوگرافیای کورد لە عێراق، ئێمە ناوچەکەمان 99% کوردە، ناوچەکانی رۆژئاوای کوردستان تێکەڵن، بۆیە دەبێت سیستمێک هەبێت کە هەموو ئەو میللەتانەی کە لەو ناوچەیەی پێی دەڵێن رۆژئاوا، رازی ببن بەوە و ئێمە پشتگیریی هەموو هەست و خواستی ئەو میللەتە دەکەین، ئەویش ئەو پەیامەی پێگەیشت، بە شەرع گەیشت، پەیامی نێچیرڤان بارزانی گەیشت کە دەبێت کورد وەکو نەتەوە، وەکو هێزێکی سیاسی رۆڵی هەبێت.

 

 

فەوزی هەریری: زۆر سوپاس.