چوار تووشبووی دیکەی کۆرۆنا لە هەولێر چاکبوونەوە

 

لە راگەیێندراوێکدا بەڕێوەبەرایەتیی گشتیی تەندروستیی هەولێر دەڵێت، چاکبوونەوەی ئەو تووشبووانە دوای وەرگرتنی چارەسەر و پشکنینی یەک لە دوای یەک بووە و بڕیاردراوە بنێردرێنەوە ماڵەوە.

لە هەولێر 78 کەس چاکبوونەتەوە. لە تەواوی هەرێمی کوردستان 331 کەس تووشی کۆرۆنا بوون، 198 کەس چاکبوونەتەوە و چوار کەسیش گیانیان لەدەستداوە. 

دەقی راگەیێندراوی تەندروستیی هەولێر 

ڕاگەیەندراوێک بۆ هاوڵاتیانی شاری هەولێر

• هاوڵاتیانی خۆشەویستی شاری هەولێر پێتان ڕادەگەیەنین کە (٤) نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکی بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.

• کۆی گشتی چابووەکان گەیشتە (۷۸) کەس.

• سوپاسی پابەندبوونتان دەکەین بۆ ڕێنماییە خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.

• زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.

د.دلۆڤان محمدفاتح جلال
بەڕێوەبەری گشتی تەندروستی هەولێر
۱٤ی نیسانی ۲٠۲٠