رووداو دیجیتاڵ
لە پارێزگای چەولیگی باکووری کوردستان پاسێکی نەفەرهەڵگر وەرگەڕا و بەهۆیەوە پێنج کەس گیانیان لەدەستدا و 38ـی دیکەش برینداربوون.
درەنگی شەوی پێنجشەممە، 13ـی شوباتی 2025 پاسێکی کۆمپانیای ماردین سەیاحەت کە لە پارێزگای شرناخەوە بەرەو پارێزگای ئەرزڕووم دەڕۆیشت، لەسەر رێگەی چەولیگ- ئامەد وەرگەڕا.
دوای ئاگادارکردنەوەیان، تیمەکانی تەندروستی و فریاگوزاری گەیشتنە شوێنی رووداوەکە.
لە چەولیگی باکووری کوردستان پاسێک وەرگەڕا؛ چوار کەس گیانیان لەدەستدا و 32 کەسی دیکەش بریندار بوون pic.twitter.com/u3mqe5cWeP
— Rudaw (@Rudawkurdish) February 13, 2025
ئەحمەد حەمدی ئوستا، پارێزگاری چەولیگ لە شوێنی رووداوەکە راگەیاند، لە رووداوەکەدا پێنج کەس گیانیان لەدەستداوە و 38 ـی دیکەش برینداربوون. 30 لە بریندارەکان گوێزراونەتەوە بۆ نەخۆشخانەکانی چەولیگ و هەشت برینداریش لە نەخۆشخانەکانی ئامەد و مەڵەتی چارەسەر وەردەگرن.
ئێوارەی پێنجشەممەش 13ـی شوباتی 2025 لەسەر رێگەی سەرەکیی شارۆچکەی پازارجیخ لە پارێزگای مەرەش. دوو ئۆتۆمبێل رووبەڕوو خۆیان بەیەکدی کێشا. لە ئەنجامدا چوار کەس دەستبەجێ گیانیان لەدەستدا و شەش کەسی دیکەش بریندار بوون.
بەفربارین لە سەرتاسەری باکووری کوردستان بەردەوامە و دامەزراوە پەیوەندیدارەکان ئاگاداری هاووڵاتیان دەکەنەوە، لەکاتی گەشتکردندا پابەندی رێنماییەکان بن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ