رووداو دیجیتاڵ
شەوی رابردوو 13-01-2024 لە گوندێکی سنووری ئیدارەی سەربەخۆی زاخۆ، بەهۆی گەشاندنەوەی سۆپای دارەوە دوو منداڵ سووتان و کەسوکاری منداڵەکان دەڵێن، "تەندروستییان جێگیرە."
لە گوندی حەسەن ئاڤا لە سنووری ئیدارەی سەربەخۆی زاخۆ دوو منداڵ لە کاژێر 20:00 (بە کاتی هەولێر) ـی شەوی رابردوو هەوڵیان داوە ئاگری سۆپادارەکەیان بە گاز بگەشێننەوە، بەڵام بەهۆیەوە ئاگرەکە بەڕێژەی زۆر زیادیکردووە و بووەتە هۆی سووتاندنیان، لەبارەی رووداوەکەوە موختار گولی، خاڵی منداڵەکان بە تۆڕی میدیایی رووداوی گوت، دوو خوشکەزاکەی بەڕێژەی جیاواز سووتاون.
هەروەها گوتیشی، عومەر بەشیر تەمەنی پێنج ساڵە و رێژەی سووتاوییەکەی 45%ـە براکەی کە کاکل بەشیرە رێژەی سووتاوییەکەی 20%ـە، رەوانەی نەخۆشخانەی سووتاویی دهۆک کراون و چارەسەریان وەرگرتووە و لە ئێستادا تەندروستییان جێگیرە.
ئەوەش لە کاتێکدایە، هەر لەم هەفتەیەدا لە گەڕەکی ئێتیتێ ـی سەنتەری پارێزگای دهۆک لە شووقەیەک کەوتەوە و ژنێکی تەمەن 28 ساڵ گیانی لەدەستدا و هاوژینەکەی بەشێک لە جەستەی سووتا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ