رووداو دیجیتاڵ
سەرۆک مەسعود بارزانی لە سەلاحەددین پێشوازیی لە سەرۆکوەزیرانی عێراق کرد و چەند پرسێکیان تاوتوێ کرد، لەنێویاندا پرسی پێکهێنانی کابینەی نوێی حکومەتی هەرێمی کوردستان.
لە کۆبوونەوەی سەرۆک بارزانی و محەممەد شیاع سوودانی، سەرۆکوەزیرانی عێراق؛ بەپێی راگەیێندراوی بارەگای بارزانی، تاوتوێی بارودۆخی سیاسیی عێراق و دوایین گۆڕانكاری و پێشهاتەكانی ناوچەكە كراوە.
هەروەها هەردوولا جەختیان لەوە کردووەتەوە كە لە پەیوەندی و هەماهەنگییەكانی نێوان حكومەتی هەرێمی كوردستان و حكومەتی عێراقی فیدڕاڵدا "هەنگاوی ئیجابی و باش نراون."
هەر لەو دیدارەدا، سوودانی پیرۆزبایی سەركەوتنی هەڵبژاردنی پەرلەمانی كوردستانی لە سەرۆك بارزانی كردووە و "هیوای ئەوەی خواست كە بەزووترین كات لایەنەكان بگەنە ڕێككەوتن بۆ پێكهێنانی كابینەی نوێی حكومەتی هەرێمی كوردستان،" ئەمەش وەکو لە راگەیێندراوەکەی بارەگای بارزانیدا هاتووە.
بە وێنە؛ پێشوازیی سەرۆک بارزانی لە محەممەد شیاع سوودانی، سەرۆکوەزیرانی عێراق و کۆبوونەوەیان لە پیرمام.
— Rudaw (@Rudawkurdish) November 13, 2024
بارەگای بارزانی: تاوتوێی بارودۆخی سیاسیی عێراق و دوایین گۆڕانكاری و پێشهاتەكانی ناوچەكە كرا و هەروەها جەختیش لەوە كرایەوە كە لە پەیوەندی و هەماهەنگییەكانی نێوان حكومەتی هەرێمی… pic.twitter.com/UJKX6NK4yp
محەممەد شیاع سوودانی سەرلەبەیانیی ئەمڕۆ چوارشەممە 13-11-2024 بە سەردانێکی فەرمی گەیشتە هەولێر. بڕیارە هەر ئەمڕۆ بچێتە سلێمانییش.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ