فڕۆکە جەنگییەکانی تورکیا چەند شوێنێک لە سەنگەسەر دەکەنە ئامانج
رووداو دیجیتاڵ
ئێوارەی ئەمڕۆ هەینی، فڕۆکەکانی تورکیا بۆردوومانی بناری چیای قەندیلیان لە سنووری قەزای پشدەر کرد و تاوەکو ئێستا زیانەکانی نەزاندراون.
بەپێی زانیارییەکانی رووداو، بۆردوومانەکە بەچڕی بەرزاییەکانی کورتەک و گەلی بەدرانی لە سنووری شارۆچکەی سەنگەسەر و چیای ساوینی لە سنووری قەزای پشدەر گرتووەتەوە.
نەهرۆ عەبدوڵڵا، بەڕێوەبەری شارۆچکەی سەنگەسەر بە تۆڕی میدیایی رووداوی راگەیاند، کاژێر 05:00ـی ئێوارە فڕۆکەکانی تورکیا سنووری گوندەکانی بێپاڵان و بێڕێش یان بۆردوومان کردووە. دواتریش لە کاژێر 07:00 گوندەکانی ئێنزە و بۆ کریسکان بۆردوومان کراون.
بە گوتەی بەڕێوەبەری شارۆچکەی سەنگەسەر، هێشتا فڕۆکە بە ئاسمانی ناوچەکەدا دەسووڕێتەوە و "ناوە ناوە لە جێگەیەک دەدەن".
لەبارەی زیانەکانی بۆردوومانەکە، نەهرۆ عەبدوڵڵا دەڵێت، هیچ زیانێکی ئەوتۆی نەبووە و نزیک ئاوەدانی نەبوونە بۆردوومانەکان. تەنیا ئەگەر زیان بەر سرووشتی ناوچەکە کەوتبێت.
بە گوتەی بەڕێوەبەری شارۆچکەی سەنگەسەر، هێشتا فڕۆکە بە ئاسمانی ناوچەکەدا دەسووڕێتەوە و "ناوە ناوە لە جێگەیەک دەدەن".
لەبارەی زیانەکانی بۆردوومانەکە، نەهرۆ عەبدوڵڵا دەڵێت، هیچ زیانێکی ئەوتۆی نەبووە و نزیک ئاوەدانی نەبوونە بۆردوومانەکان. تەنیا ئەگەر زیان بەر سرووشتی ناوچەکە کەوتبێت.