prev
next
رووداو دیجیتاڵ
پارێزگای ئاگری هەموو جۆرە چالاکییەکی وەک خۆپێشاندان، رێپێوان، لێدوانی رۆژنامەڤانی، گردبوونه‌وه، خێوه‌ت هه‌ڵدان و سه‌كۆدانانی بۆ دوو رۆژ قەدەخەکرد.
پارێزگا هۆکاری قەدەخەکەی بۆ پاراستنی ئاسایش و سەقامگیریی نێوخۆیی، رێگەگرتن لە هەر جۆرە "پیلانێک"، پاراستنی گیان و ماڵی هاووڵاتییان و رێگریکردن لە سەرهەڵدانی تووندوتیژی گەڕاندەوە.
پارێزگا لە راگەیێندراوێکدا ئاماژەی بەوە کردووە، لە پێناو یەکڕیزیی گەل، یەکپارچەیی وڵات، پاراستنی ئاسایشی نیشتمانی، رێگریکردن لە تاوان، پاراستنی تەندروستیی گشتی و رێگریکردن لە تووندوتیژی، بەپشت بەستن بە بڕگەکانی ئەلیف و جیم لە 11مین مادەی یاسای ژمارە 5442 ی بەڕێوەبردنی شارەکان و 17مین مادەی یاسای ژمارە 2911ی چالاکییەکان، کۆمەڵێک رێوشوێن گیراونەتەبەر.
لە راگەیێندراوەکەدا باس لەوە کراوە، لە کاژێر 00:00ی رۆژی 13 تاوەکو کاژێر 23:59ی رۆژی 14ـی تشرینی یەکەمی 2024 بەدەر لەو چالاکییانەی لەلایەن پارێزگا و قایمقامییەتەکانەوە مۆڵەتیان پێدەدرێت، هەموو جۆرە گردبوونەوەیەک و چالاکییەک قەدەخەیە.
هەنگاوەکە لە کاتێکدایە، بڕیارە ئەمڕۆ دەم پارتی لە ئامەد کۆبوونەوەیەکی جەماوەری بەرفراوان رێکبخات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ