رووداو - جۆلەمێرگ
لە ئاکامی تەقینەوەی بۆمبێک لە قەزای شەمزینانی سەر بە پارێزگای جۆلەمێرگ لە باکووری کوردستان، پاسەوانێکی گوند کوژرا و سێی دیکەش بریندار بوون.
بەپێی راگەیێندراوێکی پارێزگای جۆلەمێرگ، شەوی رابردوو 12-9-2017، بەهۆی تەقینەوەی بۆمبێکی چێندراو بە کەژاوەیەکی جەندرمە و پاسەوانانی گوند لە شارۆچکەی شەمزینان، پاسەوانێکی گوند گیانی لەدەستدا و سێی پاسەوانی دیکەش بریندار بوون.
لە راگەیێندراوەکەدا ئاماژە بەوە کراوە، بۆمبەکە لەلایەن گەریلاکانی پارتی کرێکارانی کوردستان (پەکەکە) لەسەر ئەو رێگەیەدا چێندراوە کە هێزەکانی جەندرمە و پاسەوانانی گوند هاتووچۆی پێدا دەکەن.
دوای رووداوەکە هێزەکانی فەرماندەیی جەندرمە لە ناوچەکەدا دەستیان بە ئۆپەراسیۆنێکی گەڕان و پشکنین کردووە. تاوەکو ئێستاش پەکەکە هیچ لێدوانێکی لەبارەی تەقینەوەکە نەداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ