دیمەنێکی رووداوە هاتووچۆکە
رووداو دیجیتاڵ
لە رووداوێکی هاتووچۆدا لە رێگەی نێوان دهۆک-ناحیەی مانگێش، دوو کەس گیانیان لەدەستدا. ئەو کەسانەی گیانیان لەدەستداوە، ئاوارەی کوردی ئێزدی بوون.
دیار ساڵح، موختاری گوندی مەجلەمەختێ لە پارێزگای دهۆک بە رووداوی گوت، رووداوە هاتووچۆکە کاژێر 09:30ـی ئەم شەو روویداوە. رووداوەکە لەنێوان پیکاپێک، ئۆتۆمبێلێکی هیۆندای و تراکتۆرێک بووە.
بە گوتەی موختاری ئەو گوندە، یەکێک لە سەرنیشنانی ئۆتۆمبێلی هیۆندای هەر لە شوێنی رووداوەکە و ئەوی دیکەیش لە نەخۆشخانە گیانی لەدەستدا.
فەرمان عەولا، بەڕێوەبەری بەشی فریاکەوتن لە نەخۆشخانەی ئازادیی دهۆک بە رووداوی گوت، ئەوانەی گیانیان لەدەستداوە، کچێک و ژنێک بوون. پێنج برینداریش گەیێندرانە نەخۆشخانە، بەڵام هیچ یەکێکیان برینیان سەخت نییە.
بەگوێرەی زانیارییەکانی رووداو، ئەو دوو کەسەی گیانیان لەدەستداوە، ئاوارەی خەڵکی شنکال بوون و لە کەمپی داودییە لە سنووری ناحیەی بامەڕنێ نیشتەجێ بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ