رووداو دیجیتاڵ
شەوی رابردوو لە ئامەدی باکووری کوردستان، زاوایەک دوای دەمەقاڵێیەکی تووند لەسەر تاپۆی خانوو، بە چەک خەزووری کوشت، دواتریش هاوسەر و خەسوویشی بریندار کرد.
رووداوەکە لە شەقامی موسا عەنتەری گەڕەکی مێزۆپۆتامیای سەر بە ناوچەی کاینپناری ناوەندی قەزای ئامەد روویداوە.
بەپێی زانیارییەکان، سەرەتای کێشەکە لە دەمەقاڵێی نێوان زاواکە و یڵماز بەکچی، خەزووری دەستیپێکردووە. دواتر تۆمەتبار بە دەمانچە تەقەی لە خەزوور و خەسوو و خێزانەکەی کردووە.
لەدوای رووداوەکە تیمەکانی فریاکەوتن و پۆلیس گەیشتوونەتە شوێنی رووداوەکە، بەڵام بەهۆی سەختیی برینەکەیەوە یڵماز بەکچی هەر لەوێ گیانی لەدەستداوە. تۆمەتبارەکەش دوای تەقەکردنەکە لەوێ هەڵاتووە و تاوەکو ئێستا خۆی رادەست نەکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ