تەقاندنەوەی دیوەخانەکەی دێرین عوزێری
رووداو دیجیتاڵ
دوای کەمتر لە 24 کاژێر، ئەو هێزەی چووبوون بۆ رووخاندنی ئەو دیوەخان و قەڵایەی کوێخا دێرین عوزێری کە دادوەر دەڵێت بە نایاسایی دروستکراوە، تەواوی جێگەکەیان تەختی زەویی کرد و گەڕانەوە.
کوێخا دێرین خۆی تاوەکو ئێستا دەستگیرنەکراوە و لە دەستی هێزە ئەمنییەکان هەڵهاتووە.
هێمن ئەبوبەکر، پوورزای کوێخا دێرینە، دەڵێت: "ئێمە لەگەڵ ئەوەنین کە کوێخا دێرین کاری نایاسایی کردبێت لەگەڵ ئەوەیش نین کە ئاوا ماڵ و حاڵی بڕووخێندرێت، ئەو زەوییەیان هیی ماڵی باوکیەتی و بەشێکیشی کڕیوە."
چوومە ماڵەکەی دێرین ئەحمەد لە گەڕەکی کەنەکەوەی سلێمانی، لەو ژوورەی ماڵەکەی وێنەی شەهید و بریندارانی هۆزەکەی هەڵواسیوە، خزم و ناسراوەکانی هەموو کۆبوونەتەوە و پەیامیان هەیە دەڵێن، بێبەرین لە هەر کارێکی نایاسایی کە کردبێتی، بەڵام ناوزڕاندنی هۆزەکەیان "هێڵی سوورە."
ئەکرەم عەبدوڵڵا، سەرۆکی عەشرەتی سمایل عوزێری بە رۆژنامەڤانانی راگەیاند، "ئێمە تووڕە و نیگەرانین لەوەی کە ناو و ناوبانگمان لەکەدار بکرێت، پڕ بە پێستی ئەوەی کە پێمان کرا و نەدەبوو بکرایە، ناشمانەوێت کێشەکە ببێت بە وەی ئاژەوە دروستببێت"
قەڵاکەی کوێخا دێرین، بە شۆڤڵ و پێنج جار تەقینەوە رووخێندرا بەو کەرەستە و کەلوپەلانەشی کە تێیدابوون تەختی زەوی کرا. ئاسایش دەڵێت هەر کەسێک داڵدەی کوێخا دێرین بدات، رووبەڕووی دادگەی دەکەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ