رووداو دیجیتاڵ
گەنجێکی دانیشتووی دهۆک، ئێوارەی ئەمڕۆ لەنێو بەنداوی دهۆکدا خنکا و هەر زوو تەرمەکەی دەرهێنرا و رەوانەی دادپزیشکیی شارەکە کرا.
موقەدەم بێوار عەبدولعەزیز، بەرپرسی راگەیاندنی بەرگریی شارستانیی دهۆک بە تۆڕی میدیایی رووداوی راگەیاند "کاژێر 05:00ـی ئێوارەی ئەمڕۆ (سێشەممە، 12-12-2023) تیمی نقوومڤانان ئاگادارکرانەوە لە بوونی تەرمێک لەنێو بەنداوی دهۆک و دوای ئەوەی گەیشتن، توانییان تەرمەکە دەربهێنن.''
بەگوتەی بەرپرسی راگەیاندنی بەرگریی شارستانیی دهۆک، ئەو گەنجەی خنکاوە ناسنامەی پێنەبووە و، دوای دەرهێنانی تەرمەکەش راستەوخۆ رەوانەی دادپزیشکی دهۆک کراوە.
بەپێی زانیارییەکانی رووداو گەنجە خنکاوەکە ناوی هۆشیار عەلییە، تەمەنی 26 ساڵە و دانیشتووی پارێزگەی دهۆک بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ