هاونیشتمانییان لە دیلۆک لە وێنەی کەسوکاریان دەڕوانن
رووداو دیجیتاڵ
ژنێک لە شارۆچکەی نورداخی لە شاری دیلۆکی باکوری کوردستان چووە بۆ بینینەوەی خۆشەویستانی و بە دوای هەواڵێکی دڵخۆشکەردا دەگەڕێت.
کەسانی دیکەش چاوەڕێی پەرچوویەک دەکەن. ئورکن، کەسوکاری ژمارەیەک قوربانییە و دەڵێت، "بەڵێ، کەسوکارە نزیکەکانم، ئامۆزاکانم، لە نهۆمی سێیەم دەژیان؛ هێشتا چاوەڕێین رزگار بکرێن و هیوادارین لە ژیاندا مابن."
دوای دۆزینەوەی چەند تەرمێک لەژێر داروپەردووی باڵەخانەکەدا، هیواکان دەبنە یادگاری. ئورکن گوتی، "لە نورداخی، نزیکەی 40 هەزار کەس دەژیان، بەڵام نازانین چەند کەس گیانیان لەدەستداوە و چەندیش ماون، تەنیا بە هیوای باشترینین."
بەگوێرەی ئاماری حکومەتی تورکیا، زۆربەی قوربانییەکانی بوومەلەرزەکەی 6ی شوبات، لە شوقەدا ژیاون کە بەهۆی بوومەلەرزەکەوە شەش هەزار و 444 باڵەخانە رووخاون یان زیانیان بەرکەوتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ