پۆلیسی هەولێر: گەنجێک لەلایەن ماڵی خەزوورانییەوە کوژرا

 

رۆژی یەکشەممە، 12-2-2023، هۆگر عەزیز، گوتەبێژی پۆلیسی هەولێر بە رووداوی گوت: "ئەو کوڕە لەسەر کێشەیەکی کۆمەڵایەتی لەلایەن ماڵە خەزوورانییەوە پێنچ گوللەی لێدراوە و بریندار کراوە، دوای ئەوەی گەیێندراوەتە نەخۆشخانەی ئیمێرجنسی هەولێر لەوێ گیانی لەدەستداوە."

 

گەنجە کوژراوەکە ناوی فەرمان عەبدولخالق ساڵحە و تەمەنی 32 ساڵە. هۆگر عەزیز دەڵێت: "تائێستا هیچ کەسێکی ماڵە خەزوورانی خۆی رادەستی پۆلیس نەکردووە، بەڵام دەزانین کێشەکانیان لەسەر چی بووە، هێزەکانی پۆلیس راسپێدراون بۆ دەستگیرکردنی تەقەکەرەکە."