رووداو دیجیتاڵ
هێزەکانی سووریای دیموکرات (هەسەدە) دەڵێت، لە ئەنجامی بۆردوومانی فرۆکە جەنگییەکانی تورکیادا بۆ سەر گوندی مەسرەب لە باشووری شاری کۆبانێ، سێ کەس گیانیان لەدەستدا و پێنجی دیکەش برینداربوون کە سەرجەمیان لە یەک خێزانن.
هەسەدە لە راگەیێندراوێکدا بڵاویکردەوە، کاژێر شەشی ئێوارەی رۆژی شەممە فرۆکە جەنگییەکانی تورکیا ئەو گوندەی باشووری کۆبانێیان بۆردوومان کردووە و لە ئەنجامدا سێ ئەندامی خێزانێک گیانیان لەدەستداوە و پێنجی دیکەش برینداربوون.
ئەوانی گیانیان لەدەستداوە بریتین لە دوو کچی تەمەن 12 و 13 ساڵ بە ناوەکانی فاتیمە و عائیشە؛ هەروەها باوکی دوو كچەکە بەناوی ئیسماعیل کە تەمەنی 37 ساڵ بووە.
هەر لەو بۆردوومانەدا پێنج ئەندامی ئەو خێزانە بریندار بوون کە هەر پێنجیان منداڵن و تەمەنیان لەنێوان یەک بۆ 10 ساڵە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ