قایمقامی سەیدسادق: هاونیشتمانییەک کەوتە نێو بیرەوە و گیانی لەدەستدا

 

رۆژی پێنجشەممە، 12-1-2023، دیاری رەفیق، قایمقامی سەیدسادق بە تۆڕی میدیایی رووداوی گوت: "ئەو هاونیشتمانییە ناوی عەلی نەجیم مەحموودە و لە دایکبووی 1969یە و خێزاندارە."

 

بە گوتەی قایمقامی سەیدسادق، پێشەی هاونیشتمانییەکە بیرهەڵکەندنە و ئەمڕۆ لەکاتی کارکردن بۆ بیری ماڵی براکەی، کەوتووەتە نێو بیرەکەوە و گیانی لەدەستداوە.

 

دیاری رەفیق گوتیشی، ئەو هاونیشتمانییە هەر کە کەوتووەتە نێو بیرەکەوە، گیانی لەدەستداوە و دواتر گەێیندراوەتە نەخۆشخانە و دوای پشکنین، تەرمەکەی رادەستی کەسوکارەکەی کراوەتەوە.