ناحیەی سەنگەسەر لە سنووری ئیدارەی راپەڕین. وێنە: محەممەد ئاکۆیی
رووداو دیجیتاڵ
لە ناحیەی سەنگەسەری سەر بە ئیدارەی راپەڕین لە رووداوێکی تەقەکردندا کەسێک کوژرا و کەسێکی دیکە برینداربوو، بەگوێرەی زانیارییەکانی رووداو، رووداوەکە بەهۆی کێشەی کۆمەڵایەتییەوە بووە.
ئەمڕۆ چوارشەممە، 11-10-2023، نەهرۆ عەبدوڵڵا، بەڕێوەبەری ناحیەی سەنگەسەر، بە تۆڕی میدیایی رووداوی راگەیاند، لە ئەنجامی رووداوێکی تەقەکردن لە نێوان دوو هاونیشتمانیی گەڕەکی فەرمانبەرانی ناحیەکە، کەسێک کوژراوە و یەکێکی دیکە بریندار بووە.
بە گوتەی بەڕێوەبەری ناحیەی سەنگەسەر، تاوەکو ئێستا ناسنامەی کوژراو و تەقەکەرەکان ئاشکرانەکراوە، کەیسەکە لەلایەن ئاسایشی سنوورەکە لێکۆڵینەوەی لێدەکرێت.
بەگوێرەی زانیارییەکانی رووداو، شەڕەکە بەهۆی کێشەیەکی کۆمەڵایەتییەوە بووە لەنێوان ئەو دوو کەسەدا، هەردووکیان خەڵکی دەرەوەی ئیدارەی راپەڕینن بەڵام لە ناحیەی سەنگەسەر نیشتەجێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ