کوردستان
![کۆبوونەوەی مەسرور بارزانی، سەرۆکوەزیرانی هەرێمی کوردستان لەگەڵ ئێريك شۆڤاليێ، باڵيۆزى فهرهنسا له عێراق کۆبوونەوەی مەسرور بارزانی، سەرۆکوەزیرانی هەرێمی کوردستان لەگەڵ ئێريك شۆڤاليێ، باڵيۆزى فهرهنسا له عێراق](https://www.rudaw.net/s3/rudaw.net/ContentFiles/690783Image1.jpg?mode=crop&quality=70&rand=1&scale=both&w=752&h=472&version=4837087)
کۆبوونەوەی مەسرور بارزانی، سەرۆکوەزیرانی هەرێمی کوردستان لەگەڵ ئێريك شۆڤاليێ، باڵيۆزى فهرهنسا له عێراق
رووداو دیجیتاڵ
سەرۆکوەزیرانی هەرێمی کوردستان پێشوازیی لە باڵیۆزی فەرەنسا لە عێراق کرد و بەگوێرەی راگەیێندراوی حکومەت، هەوڵەکانی تێپەڕاندنی بنبەستی سیاسیی و پێکهینانی حکومەتی نوێی عێراق تاوتوێ کراوە.
ئەمڕۆ سێشەممە، 11-10-2022، مەسرور بارزانی، سەرۆکوەزیرانی هەرێمی کوردستان پێشوازیی لە ئێريك شۆڤاليێ، باڵيۆزى فهرهنسا له عێراق کرد.
بەگوێرەی راگەیێندراوێکی حکومەت کە لەبارەی کۆبوونەوەی نێوانیان بڵاویکردووەتەوە، پەرەپێدانی پەیوەندییەکانی هەرێمی کوردستان و فەرەنسا و دوايين گۆڕانکاری و پەرەسەندنەکانی دۆخی سیاسیی عێراق و، هەوڵەکانی تێپەڕاندنی بنبەستی سیاسیی و پێکهینانی حکومەتی نوێی عێراق گفتوگۆی لەسەر کراوە.
لە کۆبوونەوەکەدا کە ئۆلیڤیێ دیکۆتینی، کۆنسوڵی گشتیی فەرەنسا لە هەرێمی کوردستان ئامادە بوو، "گرنگیی پاراستنی ئاسایش و سەقامگیریی ناوچەکە و چارەسەرکردنی کێشەکان لە رێگەی گفتوگۆ و لەیەکتێگەیشتن، بەشێکی دیکەی گفتوگۆکانی کۆبوونەوەکە بوو."
![پێشوازیی مەسرور بارزانی، سەرۆکوەزیرانی هەرێمی کوردستان لەگەڵ ئێريك شۆڤاليێ، باڵيۆزى فهرهنسا له عێراق](https://www.rudaw.net/Library/Images/Uploaded%20Images/2022/10/11/12.01.jpg)
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ