رووداو دیجیتاڵ
دەزگای ئاسایشی نیشتمانیی عێراق دەستگیرکردنی 9 ئەندامی داعشی لە پێنج پارێزگای عێراق راگەیاند، یەکێکیان پارەی بەسەر خێزانەکانی داعش دا دابەش دەکرد.
دەزگای ئاسایشی نیشتمانیی عێراق رایگەیاند: "بە پشتبەستن بە زانیاریی هەواڵگریی ورد، تیمەکانی دەزگای ئاسایشی نیشتمانی لە پارێزگای دیالە کەسێکیان دەستگیرکرد کە پارەی بەناوی کەفالەتەوە بەسەر خێزانەکانی داعش دابەش دەکرد، ئەو کەسە ماوەی یەک مانگە لەژێر چاودێریدایە و لەو ماوەیە پارەی دابەش دەکرد."
روونیشیکردەوە: "لە پارێزگاکانی بەسرە، کەرکووک، ئەنبار و نەینەوا، تیمەکان هەشت کەسیان دەستگیر کرد کە فەرمانی دەستگیرکردنیان بەپێی مادەی چواری تیرۆر هەبووە."
لە راگەیێندراوەکەدا ئەوەش هاتووە؛ دەستگیراوە بەسەر دوو کۆگەی چەک و تەقەمەنیی داعش لە ناحیەی یوسفییە لە باشووری بەغدا و بیابانی رەزازە لە پاێزگای ئەنبار، کە یەک کیلۆگرام مادەی TNTـیان تێدا بووە، جگە لە 16 مووشەک و 100 کۆنترۆڵی تەقاندنەوە و 17 نارنجۆک و سێ کیلۆگرام مادەی C4.
بەپێی دەزگای ئاسایشی نیشتمانی، تۆمەتبارەکان رەوانەی لایەنە پەیوەندیدارەکان کراون بۆ ئەوەی رێیکاری یاساییان بەرامبەر بگیرێتەبەر.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ