هەڵەیەک روویدا! دووبارە هەوڵبدە
فێستیڤاڵەکە تاوەکو جەژنی رەمەزان بەردەوام دەبێت.
رووداو دیجیتاڵ
یەکێک لە گەورەترین فێستیڤاڵەکانی شەوانی مانگی رەمەزان لە هەولێر دەستیپێکردووە. کۆمپانیای مەڵتی میدیا فێستیڤاڵەکەی رێکخستووە، تۆڕی میدیایی رووداویش سپۆنسەری میدیایی دەکات.
45 کۆمپانیا و خاوەنکار بەشدارن، بەرهەمەکانی خواردن و خواردنەوە، پێداویستییەکانی رۆژانە، ئەلیکترۆنیات و کاری دەستی لە فێستیڤاڵەکە نمایش دەکرێن.
جگە لە فرۆشتنی بەرهەمەکان، ئۆفەر و خەڵاتی جۆراوجۆریش پێشکێش دەکرێن.
بێستوون عومەر، بەڕیوەبەری کۆمپانیای بێست بیدە و لەبارەی کاری کۆمپانیاکەیان لە فێستیڤاڵەکە دا دەڵێت، " کۆمپانیاکەی ئێمە خزمەتگوزاری ئەلیکترۆنی پێشکێش دەکات، یەکەمین کۆمپانیای ئۆنڵاینە لە کوردستان و عێراق. ئەوانەی سەردانی کۆمپانیاکەمان دەکەن چەندین ئۆفەرمان بۆیان هەیە و داشکانمان دەبێت، لە رۆژانی رەمەزاندا دوو لاپتۆپیش دەکەینە خەڵات".
یەحیا هەورامی، خاوەنی کۆمپانیای فی تی مارکێتسە و بەشدارییان لە فێستیڤاڵەکە دا کردووە و باس لەوە دەکات، " کاری ئێمە بازرگانییە وەک نێوەندگیر، کارەکەمان پەیوەستە بە بازاڕە داراییەکانەوە".
ئەسما محەممەد، خاوەنی چێشتخانەیە و ئاماژە بەوە دەدات، "وەک ئافرەتێک و خاوەن کارێک، ئەو فێستیڤاڵانە زۆر گرنگن بۆ من، هەلێکی زۆر باشە بۆ ناساندنی کارەکەم."
ئەحمەد قارەمان - کارمەندی چێشتخانەیە و بە ناوی رووداو داشکاندنی بۆ خێزانەکان کردووە و دەڵێت، "هەر خێزانێک لەسەر داواکاری ئیوە بێت و راپۆرتەکەتان ببینێت، لە پێنج لەفە دوو لەفەی بۆ دەکەین بە دیاری."
محەممەد ئاسۆ، خاوەنی کارگەی سرکەیە و لەبارەی بەشداریکردنیان باس لەوە دەکات، "بە بەرهەمی ناوخۆیی سرکە بەشدارین، سرکەی سەتا سەت سرووشتی دروست دەکەین".
لە یەکەم رۆژی کردنەوەی فێستیڤاڵەکەدا خەڵکێکی زۆر سەردانیان کرد و پێشوازیێکی گەرمی لێکرا.
ئیساعیل کاکل، سەردانیکەری فێستیڤاڵەکەیە و باس لەوە دەکات، "بەڕاستی ئەو کارە لە رەمەزاندا زۆر جوانە و بەهیوای بەردەوامبوون، خۆم و هاوژینەکەم هاتووین، ئەو خەڵی سنەی رۆژهەڵاتە."
نەدا حەبیبوڵڵا، ژنی ماڵەوەیە و سەردانی فێستیڤاڵەکەی کردووە و دەڵێت، "فێستیڤاڵێکی زۆر خۆش و جوانە، شەوانی رەمەزان لێرە زۆرخۆشن."
لاڤە مستەفا، چالاکڤانە و لەبارەی فێستیڤاڵەکەوە باس لەوە دەکات، "کە دێی بۆ ئێرە هەموو شتێکی لێیە لە خواردن و خواردنەوە و پێداویستی، جەوێکی زۆر خۆشە کاتێک لەگەڵ خیزانەکەت دێێ بۆ ئێرە و بەلای منەوە زۆر تایبەتە".
لە فێستیڤالەکەدا لە کاژێر 5ـی ئێوارە تاوەکو یەکی شەو چەندین چالاکی جۆراوجۆر بەڕێوەدەچن، لە جەژنی نەورۆزیشدا چالاکی تایبەتیان دەبێت.
نور بیلال، سەرپەرشتیاری فێستیڤاڵی شەوانی رەمەزانە و لەبارەی کار و چالاکییەکانی فێستیڤاڵەکەوە دەڵێت، "فیستیڤاڵەکە چەندین چالاکی ئایینیی، هونەری و کولتووری تێدا نمایشدەکرێت. لە ماوەی فێستیڤاڵەکە دا لە جەژنی نەورۆزیش چالاکی و سوپرایزمان دەبێت".
فێستیڤاڵەکە بۆ 22 رۆژ و تاوەکو جەژنی رەمەزان بەردەوام دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ