لە کەرکووک دوو برا کوژران

11-02-2024
هیدایەت جان
A+ A-

رووداو دیجیتاڵ 


لە گەڕەکی دەروازەی شاری کەرکووک تەقە لە دوو برا کرا کە هەردووکیان سواڵکەر بوون و دەستبەجێ گیانیان لەدەستدا.
 
ئەو دوو برا کوژراوە ناویان یەحیا جەمال عوسمان، تەمەن 21 ساڵ و عادل جەمال عوسمان، تەمەن 23 ساڵە، بە گوتەی سەرچاوەیەک لە پۆلیسی کەرکووک، ئەو دوو برایە خەڵکی کەرکووک نین و "ماوەیەکە هاتوونەتە شارەکە و سواڵیان کردووە."
 
لە ئێستادا هێزەکانی پۆلیس لە شوێنی رووداوەکە سەرقاڵی لێکۆڵینەوەن و بەگوێرەی زانیارییەکان، کەسێک بە تۆمەتی کوشتنی ئەو دوو گەنجە دەستگیرکراوە و کەسێکی دیکەش کە لەگەڵ گیراوەکە بووە، رایکردووە.
 
بەگوێرەی لێکۆڵینەوە سەرەتاییەکانی پۆلیس، دەرکەوتووە رووداوەکە لە ئەنجامی دەمەقاڵەی نێوانیان دوو برا کوژراوەکە و دوو بکوژەکەدا بووە. ئەو چوار کەسە بەیەکەوە سواڵیان کردووە و لەسەر دابەشکردنی پارەکە لێیان بووە بە شەڕ، دواتر دوو گەنجە کوژراوەکە سواری ماتۆڕێک بوون و یەک لە بکوژەکان دەمانچەی پێبووە و لەسەر شەقامەکە تەقەی لێکردوون و هەردووکیانی کوشتووە.
 
ئێستا تەرمی کوژراوەکان رەوانەی دادپزیشکیی ئازادی کەرکووک کراوە و تۆمەتبارەکەش لەژێر لێکۆڵینەوەی پۆلیسە، هاوکات هێزە ئەمنییەکانی کەرکووک دەستیان کردووە بە گەڕان بۆ دۆزینەوە و دەستگیرکردنی تۆمەتبارەکەی دیکە.
 

 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

لۆگۆی ئاکپارتی.

سێ پەرلەمانتار پەیوەندییان بە ئاکپارتییەوە کرد

لە هەشتەمین کۆنگرەی ئاسایی ئاکپارتی بە سەرۆکایەتیی رەجەب تەیب ئەردۆغان، کە ئەمڕۆ یەکشەممە 23-2-2025 لە ئەنقەرە بەڕێوەچوو، دوو پەرلەمانتاری پێشووی ئیی پارتی و پەرلەمانتارێکی پێشووی پارتی ئایندە پەیوەندییان بە ئاکپارتییەوە کرد.