کەشناسی پێشبینییەکانی کەشوهەوای 48 کاژێری داهاتووی بڵاوکردەوە

 

رۆژی هەینی، 10-11-2023، بەڕێوەبەرایەتیی کەشناسیی و بوومەلەرزەزانیی هەرێمی کوردستان لە راگەیێندراوێکدا پێشبینییەکانی کەشوهەوای ئەمڕۆ و سبەینێی بڵاوکردەوە، بەگوێرەی بەڕێوەبەرایەتییەکە، "ئەمڕۆ خێرایی با 10 بۆ 15 کیلۆمەتر دەبێت لە کاتژمێرێکدا و لە زۆربەی کاتەکان ئاسمان نیمچە هەور دەبێت." هەروەها دەشڵێت، سبەینێ، خێرایی با بە هەمان شێوەی ئەمڕۆ دەبێت و لە هەندێ ناوچە ئاسمان دەگۆڕێت بۆ هەوری تەواو.

 

بەپێی پێشبینییەکانی کەشناسی هەرێمی کوردستان پلەکانی گەرمای پێشبینیکراو، کەرکووک و گەرمیان بە 29 پلەی سیلیزی گەرمترین ناوچەی هەرێمی کوردستان دەبن و حاجی ئۆمەرانیش بە 18 پلەی سیلیزی ساردترین ناوچەیە. 

 

 

هەولێر:  28 پلەى سیلیزى

سلێمانی: 26 پلەى سیلیزى

دهۆک: 28  پلەى سیلیزى

کەرکوک: 29 پلەى سیلیزى

هەڵەبجە: 28 پلەى سیلیزى

 زاخۆ: 28 پلەى سیلیزى

گەرمیان:  29  پلەى سیلیزى

حاج ئۆمەران: 18 پلەى سیلیزى

سۆران: 25 پلەى سیلیزى