لە رووداوێکی هاتووچۆدا لەبەردەم فڕۆکەخانەی هەریر کەسێک گیانی لەدەستدا

 

 

محەممەد ئامۆکەیی، بەرپرسی راگەیاندنی بەڕێوەبەرایەتیی تەندروستیی شەقڵاوە بە تۆڕی میدیایی رووداوی راگەیاند، "تەرمێک و دوو برینداری رووداوی هاتووچۆ گەیێندراونەتە نەخۆشخانەی گشتیی شەقڵاوە، بریندارەکان دوای چارەسەری خێرا و پێویست بۆ چاودێریی وردتر رەوانەی نەخۆشخانەی فریاکەوتنی هەولێر کراون و تەرمەکەش رەوانەی پزیشکی دادی هەولێر کراوە".

 

بەرپرسی راگەیاندنی تەندروستیی شەقڵاوە راشیگەیاند، "رووداوەکە کاژێر 10:30 خولەکی ئەمشەو چوارشەممە 10/11/2021 بووە لەنزیک فڕۆکەخانەی هەریر و ئەو کەسەی گیانی لەدەستداوە ناوی ئەمین نەجمەدین بووە و تەمەنی 20 ساڵ بووە، دانیشتووی شارۆچکەی هەریر بووە".