قاسم سمێل: لە ماوەیەكی نزیكدا شنگال كۆنترۆڵدەكەینەوە
رووداو- هەولێر
قاسم سمێل، فەرماندەی جەنگاوەرانی ئێزدی لەمیانەی بەشداریكردنی لە گەشتێكی هەواڵەكانی تەلەفزیۆنی رووداو رایگەیاند كە ئەوان بە فەرمانی مەسعود بارزانی وەك فەرماندەی گشتیی هێزە چەكدارەكانی هەرێمی كوردستان لە شنگال ماونەتەوە و سەرجەم پێشمەرگەكانیش سەر بە پارتی دیموكراتی كوردستان بوون.
سمێل باسی ئەوە دەكات كە خەڵكی ناوچە هاوكاری زۆریان كردوون و شانبەشانی ئەوان شەڕیان كردووە، گوتیشی "شەڕێكی گران لە نێوان ئێمە و ئەوان هەبوو و لەدوای بۆمبارانكردنی فڕۆكەئەمەریكییەكان زیانێكی زۆریان بەركەوت و بە دووربین دەمانبینین كە لاشەی مردووەكانیان دەگواستەوە.
جەختیشیكردەوە كە لەماوەیەكی نزیكدا بە هاوكاری سەرۆكی هەرێمی كوردستان تەواوی شنگال كۆنترۆڵدەكەنەوە.