ڤیدیۆی ساتی تۆپبارانەکە
رووداو - دهۆک
چەند گوللە تۆپێکی سوپای تورکیا لە نزیک گوندێکی سنووری قەزای ئـامێدی کەوتنەخوارەوە و ترسی لای دانیشتووانەکەی دروستکرد.
رۆژی یەکشەممە 10-7-2022 هاونیشتمانییەکی گوندی هروور بە ناوی شڤان هرووری بە تۆڕی میدیایی رووداوی راگەیاند، دەوروبەری کاژێر 10:30 خولەکی شەو، چەند گوللە تۆپێکی سوپای تورکیا لە سنووری گوندەکەی کەوتنە خوارەوە و ئەوەش ترسی لای دانیشتووان دروستکرد.
بە گوتەی هاونیشتمانییەکە، ژمارەی گوللە تۆپەکان نزیکەی 10 دانە بوون و ئاماژەی بەوەشکرد، بەهۆی ئەوەی جەژنە، چەندین خێزان بە مەبەستی سەردان چوونەتە گوندەکە بۆ لای کەسوکاریان و بەسەرکردنی کاتێکی خۆش.
گوندی هروور دەکەوێتە سنووری ناحیەی کانی ماسێ لە سنووری قەزای ئامێدی لە پارێزگای دهۆک.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ