کۆنسوڵی ئیتاڵیا بۆ رووداو: داوا لە بەرپرسان دەکەین کار بۆ یەکگرتنەوەی پێشمەرگە بکەن

 

 

رۆژی دووشەممە، 10ی حوزەیرانی 2024، میکێلی کامیرۆتا، کۆنسوڵی ئیتاڵیا لە هەرێمی کوردستان بە رووداوی راگەیاند: "چاکسازی لە هێزەکانی پێشمەرگە چاکسازییەکی چارەنووسسازە بۆ داهاتووی هەرێمەکە؛ بەهەمانشێوەی چاکسازیی لە سوپای عێراق. بە دڵنیاییەوە، ئەمە کارێکی ئاسان نییە چونکە چاکسازییەکان لەلایەن خەڵکەوە دەکرێن و پێویستیت بە ئیرادەیەکی بەهێزی سیاسی دەبێت."

 

کۆنسوڵەکە دەڵێت: "ئێمە وەکو ئیتاڵیا هەوڵی جێبەجێکردنی ئەرکی خۆمان دەدەین، بەتایبەت لە راهێنان. لە هەموو پارێزگاکان بوونمان هەیە و ژمارەیەک سەربازمان لێرەن لە سلێمانی، هەولێر و ئەترووشی سەر بە پارێزگای دهۆک. لەگەڵ هاوبەشە نێودەوڵەتییەکانمان کاردەکەین و داوا لە بەرپرسان دەکەین بە ئاراستەی یەکگرتنەوەی هێزەکانی پێشمەرگە کاربکەن."

 

ئیتاڵیا یەکێکە لە ئەندامانی هاوپەیمانی نێودەوڵەتی دژی داعش؛ وڵاتەکە نزیکەی 900 سەربازی لە هەرێمی کوردستان هەیە کە ئەرکیان راهێنان و راوێژپێدانە بەو هێزانە. 

 

کۆنسوڵی ئیتاڵیا لەبارەی کێشەکانی نێوان هەولێر و بەغداد بۆ رووداو بە پێشەوا بەختیار، پەیامنێری رووداوی لە شاری سلێمانی گوت: "ئەوانە پرسی نێوخۆیین، ئێمە لە هەفتەی رابردووەوە بەرەوپێشچوونی باشمان بینیوە. ئێمە هانی باشترین پەیوەندیی دەدەین لە نێوان کوردستان و عێراقی فیدراڵ."

 

میکێلی کامیرۆتا باسی هەڵبژاردنی پەرلەمانی کوردستانی کرد: "هەڵبژاردن بەشێکی گرنگی دیموکراسییە،. هەڵبژاردنی کوردستان دەبووایە لە 22ـی تشرینی یەکەم بکرێت، دواتر ئێوە باشتر دەزانن، دواتر چەندین شت روویاندا؛ بەڵام ئێستا پێدەچێت گفتوگۆی سیاسیی نێوان پارتە سیاسییە سەرەکییەکان دەرئەنجامی ئەرێنییان هەیە. ئێمە هانی ئەوە دەدەین بەزووترین کات هەڵبژاردن بکرێت."

 

 

 

کۆنسوڵی ئیتاڵیا: بەیانی باش، زۆر سوپاس بۆ رووداو. بەبۆنەی بەدەستهێنانی خەڵاتی ئەم دواییەی ئەمریکا پیرۆزباییتان لێدەکەم. لەبارەی ئێمەوە وەکو ئیتاڵیا، ئەمڕۆ لێرە لە سلێمانی پێشانگایەکمان لەبارەی چەند ئەرکێکی شوێنەواری ئیتاڵی کردەوە. ئیتاڵیا باوەڕی بە هێزی نەرمی کولتوور هەیە. برەوپێدانی کولتوور واتا برەوپێدانی گفتوگۆ و ئاشتی لە نێوان کەسە جیاوازەکاندا. زۆر شانازی دەکەین کە شوێنەوارناسەکانمان لە کوردستانن، ئێمە 11 ئەرکی شوێنەوارییمان هەیە کە لەلایەن زانکۆکانی ئیتاڵیاوە جێبەجێ دەکرێن. هەموو هەرێمەکەمان کردووە، هەر سێ پارێزگەکە. شوێنەوارناسەکانمان دەست لەنێو دەست لە نزیکەوە لەگەڵ بەڕێوەبەرایەتیی شوێنەوار و کەلەپووری هەرێمی کوردستان کاردەکەن. ئەمە وادەکات راهێنان و فێربوونی هاوبەش هەبێت، هەموو ساڵێکیش چەند سەد شوێنەوارناسێکمان لەنێوان هەرێمی کوردستان و ئیتاڵیا هاتووچۆ دەکەن.

 

 

کۆنسوڵی ئیتاڵیا: ئەوانە پرسی نێوخۆیین، ئێمە لە هەفتەی رابردووەوە بەرەوپێشچوونی باشمان بینیوە. وەک وڵاتێکی بیانی لە عێراق، زۆر بە گەرمی پێشوازیمان لێدەکرێت و میوانداریمان دەکرێت، هەم باڵیۆزەکەمان لە بەغدا و هەم منیش لێرە لە کوردستان. ئێمە هانی باشترین پەیوەندیی دەدەین لە نێوان کوردستان و عێراقی فیدراڵ.

 

 

کۆنسوڵی ئیتاڵیا: چەند جارێک باسمان کردووە، پێگەی ئێمە وەک ئیتاڵیا هاوشێوەی وڵاتانی دیکەیە کە بە هەمان شێوە بیر دەکەنەوە. هەڵبژاردن بەشێکی گرنگی دیموکراسییە، ستوونێکی گرنگی دیموکراسییە. هەڵبژاردنی کوردستان دەبووایە لە 22ـی تشرینی یەکەم بەڕێوەبچێت، دواتر ئێوە باشتر دەزانن، دواتر چەندین شت روویاندا؛ بەڵام ئێستا پێدەچێت گفتوگۆی سیاسیی نێوان پارتە سیاسییە سەرەکییەکان دەرئەنجامی ئەرێنییان هەیە. ئێمە هانی ئەوە دەدەین بەزووترین کات هەڵبژاردن، بۆ باشیی هەرێمەکە و خەڵکی کوردستان بەڕێوەبچێت.

 

 

کۆنسوڵی ئیتاڵیا: هیچ پێشنیازێکمان نییە. ئەمە کاری ئێمە نییە پێشنیازیان پێبدەین. ئەو کارانەی ئێمە دەیانکەین لەلایەن خەڵکی هەولێر و سلێمانییەوە پێشوازیان لێدەکرێت. پەیوەندی زۆرباشمان لەگەڵ هەموو پارتە سیاسییەکان هەیە. بۆ ئێمە، یەک کوردستان هەیە. دیموکراسی ئەو مانایەی هەیە کە هەندێکجار هاوڕا نەبی لەگەڵ بەرامبەر یان گرژیتان هەبێت، بەڵام پێویستە ئەمە بە رێگەیەکی ئاشتیانە بێت. ئێمە هیچ پێشنیازێکمان بۆ لایەنە سیاسییەکان نییە؛ تەنیا دەتوانین هیوای باشترینیان بۆ بخوازین و هەڵبژاردنیش لە نزیکترین کاتدا بکرێت. 

 

 

کۆنسوڵی ئیتاڵیا: بە دڵنیاییەوە، وەکو دەزانن دیاریترین دامەزراوەی ئیتاڵیا کە لە هەرێمی کوردستانە بوونی سوپای ئیتاڵیایە. بەشێکین لە هاوپەیمانی نێودەوڵەتی دژی داعش؛ بەشێکین لە گرووپی راوێژکارانی سەربازی بۆ پاڵپشتیکردنی چاکسازی لە هێزەکانی پێشمەرگە. لە هەمانکاتدا، بڕوامان وایە و بەرپرسانی کوردیش هانمان دەدەن کە بەشداری زیاترمان لە بازرگانی و ژێرخانی کوردستاندا هەبێت. ژمارەیەکی باش کۆمپانیای ئیتاڵی لێرە کاردەکەن. بەرهەمی براندە ئیتاڵییەکان لە بازاڕە ناوخۆییەکان لە زیادبووندان. ئێمە وەکو کۆنسوڵخانە، لە پارەوە هەوڵی بەرەوپێشبردنی پەیوەندییە کولتوورییەکانیش دەدەین. ژمارەیەک کەرتی زۆر هەن و بەدڵنیاییەوە دەتوانین کاری زیاتر بکەین و باشترین هەوڵی خۆمان بدەین. 

 

 

کۆنسوڵی ئیتاڵیا: چاکسازی لە هێزەکانی پێشمەرگە چاکسازییەکی چارەنووسسازە بۆ داهاتووی هەرێمەکە؛ بەهەمانشێوەی چاکسازیی لە سوپای عێراقدا. بە دڵنیاییەوە، ئەمە کارێکی ئاسان نییە چونکە چاکسازییەکان لەلایەن خەڵکەوە دەکرێن و پێویستیت بە ئیرادەیەکی بەهێزی سیاسی دەبێت. ئێمە وەکو ئیتاڵیا هەوڵی جێبەجێکردنی ئەرکی خۆمان دەدەین، بەتایبەت لە راهێنانپێکردن. لە هەموو پارێزگاکان بوونمان هەیە و ژمارەیەک سەربازمان لێرەن لە سلێمانی، هەولێر و ئەترووشی سەر بە پارێزگای دهۆک. لەگەڵ هاوبەشە نێودەوڵەتییەکانمان کاردەکەین و داوا لە بەرپرسان دەکەین بە ئاراستەی یەکگرتنەوەی هێزەکانی پێشمەرگە کار بکەن.