رووداو دیجیتاڵ
کاژێر 9:30 خولەکی ئەمشەو لە شەقامی ماڵتای دهۆک تەقە لە پۆلیسێک کراوە و لەنێو ئۆتۆمبێلەکەیدا بریندار کراوە.
بەگوێرەی زانیارییەکانی رووداو کە لە سەرچاوە ئەمنی و پزیشکییەکان دەستیکەوتوون، دوو کەس تەقەیان کردووە. ئەو پۆلیسەی بریندار بووە، گوللە بەر قاچێکی کەوتووە و بۆ نەخۆشخانە گواستراوەتەوە. لەدوای رووداوەکە هێزە ئەمنییەکان چوونە شوێنی تەقەکردنەکە و لێکۆڵێنەوەیان لە رووداوەکە دەستپێکردووە.
پۆلیسەکە کارمەندی بەڕێوەبەرایەتیی خانەنشینی دهۆکە و لە نەخۆشخانە چارەسەر وەردەگرێت.
تاوەکو ئێستا هۆکاری پشت تەقەکرنەکە دیار نییە و هێرشکارەکانیش دەستگیر نەکراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ