خۆپێشاندان و گردبوونەوە لە ئێلیهـی باکووری کوردستان بۆ 5 رۆژ قەدەخە کرا

 

بە گوێرەی راگەیێندراوێک کە رۆژی چوارشەممە لەلایەن پارێزگای ئێلیهـەوە بڵاوکراوەتەوە، لە کاژێر 00:01ـی رۆژی چوارشەممە تاوەکو کاژێر 23:59 خولەکی رۆژی یەکشەممە 13ـی تشرینی یەکەم، سەرجەم چالاکییەکانی وەک رێپێوانی جەماوەری، گردبوونەوە، دانانی ستاند، هەڵدانی خێوەت، هەڵواسینی لافیتە و رێکخستنی کۆنگرەی رۆژنامەڤانی لە سنووری پارێزگاکەدا قەدەخەیە.

 

لە راگەیێندراوەکەدا هاتووە، لەوانەیە لە چوارچێوەی بانگەوازەکانی پەکەکەدا "چالاکیی تێکدەرانە و چالاکی دیکە دژی یەکێتیی نیشتمانی" بکرێت، ئەوەش لە کاتی گردبوونەوەکەدا ئاسایش و ئارامی خەڵک تێکدەدات.

 

هاوکات، پارێزگای ئامەدیش لە کاژێر 00:01 ـی رۆژی چوارشەممە تاوەکو کاژێر 23:59 خولەکی رۆژی یەکشەممە 13ـی تشرینی یەکەم ئەنجامدانی هەموو جۆرە چالاکی و گردبوونەوەیەکی لە سنووری پارێزگاکەدا راگەیاند.

 

دەم پارتی بڕیاریداوە لە 13ـی ئەم مانگەدا لە ئامەد گردبوونەوەیەک رێکبخات و دەڵێت، تێیدا تیشک بخاتە سەر "پرسی کورد و دۆخی عەبدوڵڵا ئۆجەلان، رێبەری زیندانیکراوی پەکەکە".

 

بۆ ئەو مەبەستەش ماوەیەکە ئامادەکاری کردووە و خەڵک بانگهێشت دەکات بۆ بەشداریکردن لە گردبوونەوەکەدا.