رووداو دیجیتاڵ
بەرەبەیانی ئەمڕۆ بوومەلەرزەیەک بە گوڕی 6.8 پلەی رێختەر لە مەغریب روویدا و لانیکەم تاوەکو ئێستا 820 کەس گیانیان لەدەستداوە.
وەزارەتی ناوخۆی مەغریب دەڵێت، 329 کەس بەهۆی بوومەلەرزەکەوە بریندار بوون و دەیان باڵەخانەیش رووخاون. دەشڵێت، بریندارەکان گوازراونەتەوە بۆ نەخۆشخانە و چارەسەری پێویستیان بۆ دەکرێت کە برینی بەشێکیان سەختە.
دەیان هەزار کەس لە مەغریب دوای بوومەلەرزەکە چوونە سەر شەقام و نەچوونە ماڵەوە، بەهۆی ترسیان لە دووبارەبوونەوەی بوومەلەرزەیەکی دیکە.
ڤیدیۆی کامێرای چاودێری؛ ببینە گوڕی بوومەلەرزەکەی مەغریب چەند بەهێزە و خەڵک چۆن رادەکەن#زلزال_المغرب #Morocco pic.twitter.com/AE7LJM3EJx
— Rudaw (@Rudawkurdish) September 9, 2023
ناوەندی بوومەلەرزەکە هەرێمی حەوز بووە لە باشووری وڵاتەکە. بەگوێرەی ئەو ڤیدیۆیانەی بڵاوبوونەتەوە، زیان بە چەندین ناوچە گەیشتوون و تیمەکانی بەرگریی شارستانی لە هەوڵی رزگارکردنی ئەوانەدان کە هێشتا لەژێر داروپەردوودان.
ڤیدیۆیەکی دیکەی بوومەلەرزەکەی مەغریب ببینە؛ باڵەخانەیەک بە تەواوی دەڕووخێت و هەمووان هاوار دەکەن#زلزال_المغرب #moroccoearthquake pic.twitter.com/ADbqZCilp2
— Rudaw (@Rudawkurdish) September 9, 2023
بەهۆی ئەوەی برینداری زۆر گەیێندراونەتە نەخۆشخانەکان کە بە گوتەی وەزارەتی ناوخۆی مەغریب، برینی بەشێکیان سەختە، بۆیە چاوەڕێ دەکرێت ژمارەی گیانلەدەستدان بەرزبێتەوە.
چرکەساتی بوومەلەرزە بەهێزەکەی مەغریب لە شوێنێکی یاریکردنی منداڵان؛ گوێ لە قیژەی منداڵ و دایک و باوکان بگرە، باوەش بە منداڵەکانیان دەکەن و رادەکەن
— Rudaw (@Rudawkurdish) September 9, 2023
بوومەلەرزەکە گوڕەکەی 6.8 بووە و تائێستا نزیکەی 300 کەس بەهۆیەوە گیانیان لەدەستداوە#زلزال_المغرب #زلزال_مراكش pic.twitter.com/K8ZJ3gwdWw
ئەمە یەکەم بوومەلەرزەی وێرانکەر نییە لە مەغریب روودەدات، ساڵانی 1960 و 1969 دوو بوومەلەرزەی بەهێزی وێرانکەر لەو وڵاتە روویاندا کە بەهۆیانەوە دەیان کەس گیانیان لەدەستدا و زیاتر لە 200 کەسیش بریندار بوون کە لە سەرتاسەری وڵاتەکە هەستی پێکرا.
رۆژی 24ـی شوباتی 2004، بوومەلەرزەیەکی دیکە لە مەغریب روویدا کە چەقەکەی شاری حەسیمە بوو و، بە یەکێک لە بەهێزترین بوومەلەرزەکانی ئەو وڵاتە دادەنرێت.
دیمەنە ترسناکەکانی بوومەلەرزە بەهێزەکەی مەغریب؛ هەموو شتێک دەلەرێتەوە، باڵەخانە دەڕووخێت و تەرم لەسەر شەقامەکان کەوتووە
— Rudaw (@Rudawkurdish) September 9, 2023
گوڕی بوومەلەرزەکە 6.8 پلە بووە و تائێستا نزیکەی 300 گیانلەدەستدان تۆمارکراوە#زلزال_المغرب #زلزال_مراكش #moroccoearthquake pic.twitter.com/OPkKQ0fMkx
لە مەغریب هەریەکە لە شارەکانی ئەکادیر دوو جار، فاس سێ جار، مەراکیش دوو جار، مەکناس دوو جار و مەلیلیە چوار جار رووبەڕووی بوومەلەرزەی بەهێز بوونەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ