دەزگەی ئاسایشی هەرێم زانیاریی نوێ لەبارەی شەڕەتەقەکەی قەرەداخ بڵاودەکاتەوە

 

ئاسایشی هەرێمی کوردستان، شەوی 09-08-2024 راگەیێندراوێکی بڵاوکردەوە تێیدا زانیاریی نوێی لەبارەی شەڕەتەقەی ئێوارەی هەمان رۆژ بڵاوکردەوە، کە لەنێوان هێزەکانی ئاسایشی قەرەداخ و گرووپێکی چەکدار دروست ببوو، لە ئەنجامدا دوو کارمەندی ئاسایش گیانیان لەدەستدا.

 

بەگوێرەی راگەیێندراوەکە هێزەکانی ئاسایش بە هاوئاهەنگی لەگەڵ هێزە ئەمنییەکان لێکۆڵینەوە وردیان کردووە و بۆیان دەرکەوتووە، هێرشەکە "تیرۆریستی بووە، لەلایەن تیرۆریستانی داعشەوە کراون." 

 

ئێوارەی 09-08-2024  شەڕەتەقەکە روویدا و سەرەتا دەزگای ئاسایشی هەرێمی کوردستان رایگەیاند: چەکدارەکان "ویستوویانە شوێنەواری (نەرامسین) لە ناوچەکە دەربهێنن و بیبەن."