رووداو دیجیتاڵ
دەزگەی ئاسایشی هەرێمی کوردستان رایدەگەیێنێت، دوای "لێکۆڵینەوەی ورد" کۆکردنەوەی بەڵگە و زانیاریی سەرەتایی دەرکەوتووە: هێرشەکەی قەرەداخ کردەوەیەکی تیرۆریستی بووە و ئەنجامدەران سەر بە رێکخراوی (داعش)ن.
ئاسایشی هەرێمی کوردستان، شەوی 09-08-2024 راگەیێندراوێکی بڵاوکردەوە تێیدا زانیاریی نوێی لەبارەی شەڕەتەقەی ئێوارەی هەمان رۆژ بڵاوکردەوە، کە لەنێوان هێزەکانی ئاسایشی قەرەداخ و گرووپێکی چەکدار دروست ببوو، لە ئەنجامدا دوو کارمەندی ئاسایش گیانیان لەدەستدا.
بەگوێرەی راگەیێندراوەکە هێزەکانی ئاسایش بە هاوئاهەنگی لەگەڵ هێزە ئەمنییەکان لێکۆڵینەوە وردیان کردووە و بۆیان دەرکەوتووە، هێرشەکە "تیرۆریستی بووە، لەلایەن تیرۆریستانی داعشەوە کراون."
ئێوارەی 09-08-2024 شەڕەتەقەکە روویدا و سەرەتا دەزگای ئاسایشی هەرێمی کوردستان رایگەیاند: چەکدارەکان "ویستوویانە شوێنەواری (نەرامسین) لە ناوچەکە دەربهێنن و بیبەن."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ