رووداو دیجیتاڵ
بەهۆی کەوتنەخوارەوەی لە چیای بەنی هەریر، هاونیشتمانییەک گیانی لەدەستدا.
رۆژی شەممە 9-4-2022، کاروان شێرزاد، بەڕێوەبەری کارگێڕیی نەخۆشخانەی خەلیفان بە تۆڕی میدیایی رووداوی راگەیاند، رۆژی هەینی 8-4-2022، هاونیشتمانییەکە بۆ کۆکردنەوەی گژوگیا بەهارییەکان چووەتە چیای بەنی هەریر و لە چیاکە کەوتووەتە خوارەوە و گیانی لەدەستداوە.
ساڵانە لە وەرزی بەهاردا گوندنشینان دەچنە چیا و شوێنە سەختەکان بۆ کۆکردنەوەی گیا بەهارییەکان. ئەو هاونیشتمانییەی دوێنێ گیانی لەدەستداوە، ناوی محەممەد ئەحمەد حاجی حەسەنە و دانیشتووی گوندێکی سنوورەکە بووە.
چیای بەنی هەریر سەر بە ناحیەی خەلیفانە لە ئیدارەی سەربەخۆی سۆران.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ