کەشناسی: سبەی پلەی گەرما بەرز دەبێتەوە

 

 

رۆژی پێنجشەممە 09-03-2023 بەشی کەشوهەوا لە وەزارەتی گواستنەوە و گەیاندن رایگەیاند، پێشبینی دەکەن سبەی هەینی ئاسمان بە گشتی هەور و نیمچە هەور بێت و ئەگەری کەمێک نمەباران هەیە، بەتایبەتی لە ناوچە شاخاوییە سنوورییەکانی باکوور و رۆژهەڵات. هەروەها پلەی گەرما بەراورد بە ئەمڕۆ یەک بۆ سێ پلە بەرز دەبێتەوە.

 

درەنگانی شەوی رابردوو شەپۆلێکی بارانبارین رووی لە هەرێمی کورستان کرد، بەتایبەتی پارێزگاکانی کەرکووک، سلێمانی، هەڵەبجە و ئیدارەی سەربەخۆی گەرمیان.

 

ئاسۆ کەمال، بەڕێوەبەری کەشناسیی سلێمانی لە بوولتەنی کاژێر 10:00 میوانی ئارێز خالید بوو، لەبارەی کەشوهەوا گوتی، کاریگەریی بارانبارین بۆ ئەمڕۆ بەردەوام دەبێت و ناوە ناوە لێزمە باران و هەندێک کاتیش نمەبارانێکی کەم دەبێت، تاوەکو درەنگی ئەمشەو کەشوهەوا بەم شێوەیە ناجێگیر دەبێت و بۆ سبەی هەینی تاڕادەیەک کەشوهەوا جێگیر دەبێت.

 

بەشی کەشوهەوا لە وەزارەتی گواستنەوە و گەیاندنیش دەڵێت، لە ماوەی 24 کاژێری رابردوودا، زۆرترین بارانبارین لە قەرەداخ بووە لە سنووری پارێزگای سلێمانی، کە 198 ملیمەتر بووە و لە سەنتەری پارێزگای دهۆک باران نەبایوە، تەنیا لە دینارتە 3.2 ملیمەتر و لە ئاکرێ 1.2 ملیمەتر، باتیڤا 5 ملیمەتر و بجیل 3 ملیمەتر باران باریوە.

 

لە پارێزگاکانی دیکەش لە کاژێر 9:00ی بەیانیی دوێنێ چوارشەممە تاوەکو 9:00ی بەیانیی ئەمڕۆ پێنجشەممە 09-03-2023 بڕی بارانبارین بەم شێوەیە بووە:

 

 

شاری سلێمانی: 104.2 ملیمەتر

قەرەداخ: 198 ملیمەتر

بەرزنجە: 175.7 ملیمەتر

چوارتا: 133 ملیمەتر

پێنجوێن: 133.6 ملیمەتر

قڕگە: 105 ملیمەتر

سەنگاو: 97 ملیمەتر

ماوەت: 83.6 ملیمەتر

یاخسەمەر: 81.1 ملیمەتر

هەڵشۆ: 70.4 ملیمەتر

سەیدسادق: 69 ملیمەتر

بازیان: 62.2 ملیمەتر

دووکان: 60.4 ملیمەتر

ئاغجەلەر: 59 ملیمەتر

قەڵادزێ: 53 ملیمەتر

دەربەندیخان: 50.6 ملیمەتر

رانیە: 41.7 ملیمەتر

چەمچەماڵ: 38.9 ملیمەتر

چوارقورنە: 30.8 ملیمەتر

سەرکەپکان: 34.8 ملیمەتر

 

 

شاری هەولێر: 6.5 ملیم

کۆیە: 30 ملیمەتر

هیران: 24 ملیمەتر

حاجی ئۆمەران: 22.6 ملیمەتر

رواندز: 9.1 ملیمەتر

سۆران: 8 ملیمەتر

پیرمام: 5.6 ملیمەتر

شەقڵاوە: 3.8 ملیمەتر

بارزان: 2.4 ملیمەتر

شەمامک: 1.8 ملیمەتر

خەبات: 0.4 ملیمەتر

 

 

شاری هەڵەبجە: 59.6

تەوێڵە: 80.6 ملیمەتر

بیارە: 67 ملیمەتر

خورماڵ: 63.1 ملیمەتر

سیروان: 55 ملیمەتر

 

 

شاری کەرکووک: 19.4 ملیمەتر

خورماتوو: 54.8 ملیمەتر

کفری: 45 ملیمەتر

مەیدان: 43.2 ملیمەتر

کەلار: 33.8 ملیمەتر

خانەقین: 32.4 ملیمەتر

شوان: 26 ملیمەتر

 

 

هەولێر: 21 پلەى سیلیزى

سلێمانی: 17 پلەى سیلیزى

دهۆک: 19پلەى سیلیزى

کەرکووک: 24 پلەى سیلیزى

هەڵەبجە: 19 پلەى سیلیزى

زاخۆ:  20 پلەى سیلیزى

سۆران: 18 پلەى سیلیزى

گەرمیان: 22 پلەى سیلیزى