فەرماندەیەکی سوپای ئازادی سووریا: مونبیجمان کۆنترۆڵکردووە

 

 

عەقید زیاد حاجی عوبێد بە تۆڕی میدیایی رووداوی گوت، "دوای مونبیج دەوەستین و هێرش ناکەین".

 

بەگوێرەی میدیای خۆجێی رۆژئاوای کوردستان، دوای نیوەڕۆی ئەمڕۆ لە دەوروبەری منبج لەنێوان گرووپە چەکدارەکان و هێزەکانی سووریای دیموکرات شەڕێکی سەخت کرا.

 

شەڕەکە لەنێوان شەڕڤانانی سوریای دیموکرات (هەسەدە) و ئەو گرووپە چەکدارانە بوو کە ناویان لە خۆیان ناوە، سوپای نیشتمانیی سووریا.

 

ئەنجوومەنی خۆبەڕێوەبەریی کانتۆنی منبج رایگەیاند "زۆر لایەن دەیانەوێت دۆخی ئاڵۆزی ناوچەکە بقۆزنەوە، لەنێویاندا چەکدارانی داعش و گرووپە چەکدارەکانی سەر بە تورکیا."