دیمەنی پاش رووداوەکە؛ تاکسییەکە کەوتووەتە سەر پشت.
رووداو دیجیتاڵ
گوتەبێژی هاتووچۆی دهۆک دەڵێت، ئێوارەی ئەمڕۆ هەینی، بەهۆی وەرگەڕانی ئۆتۆمبێلێکەوە لە گوندێکی ناحیەی مانگێشک سەر بە قەزای ناوەندیی دهۆک دوو کەس گیانیان لەدەستداوە و دوو کەسی دیکەش بریندار بوون.
ئازاد تەها، گوتەبێژی هاتووچۆی دهۆک بە تۆڕی میدیایی رووداوی گوت، رووداوەکە کاژێر 16:30 روویداوە و ئۆتۆمبێلەکە لە جۆری نیسان ئاڵتیمای تاکسی بووە.
گوتیشی، "فاتیمە قوتبەدین تەمەن 39 ساڵ و شەهاب شڤان تەمەن 14 ساڵ، ئەو دوو کەسە بوون لە رووداوەکەدا گیانیان لەدەستداوە".
رووداوەکە برینداربوونیشی تێدا بووە، ئازاد تەها دەڵێت، دوو کەسی دیکەش بریندار بوون و بۆ نەخۆشخانەی فریاکەوتنی دهۆک گواستراونەتەوە.
بەگوێرەی ئاماری پۆلیسی هاتووچۆی هەرێمی کوردستان، ساڵی رابردوو 3706 رووداوی هاتووچۆ روویاندا و لە ئەنجامدا 445 کەس گیانیان لەدەستدا و 7250 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ