لە 40%ـی ئاوارە کریستیانەکانی باشووری کوردستان کۆچیان کردووە
رووداو - هەولێر
لە 40%ـی ئەو ئاوارە کریستیانانەی هاتبوونە هەرێمی کوردستان کۆچی وڵاتانی ئەوروپایان کردووە، بەشێک لەوانەیشی لە هەرێمی کوردستان ماون هەوڵی کۆچکردن دەدەن.
ئەوانەی بۆ رووداو قسەیانکردووە دەڵێن، ژیان لە ناوچەکانی خۆیان ئەستەمبووە بۆیە ناچارن رێگای کۆچکردن بگرنە بەر.
نزیکەی 250 هەزار کریستیان لە عێراق هەن و 80%ـی ئەو کریستیانانەش لە هەرێمی کوردستانن، دوای ساڵی 2014 تاوەکو ئێستا نزیکەی 125 هەزار کریستیان هاتوونەتە هەرێمی کوردستان و کۆچبەر بوون.
داڕشتنەوە؛ راوچی حەسەن